updated on:2017-11-04 08:19 PM
ശിഹാബ് തങ്ങളുടെ പേരില്‍ ആശ്രയ ആംബുലന്‍സ് സേവനം

www.utharadesam.com 2017-11-04 08:19 PM,
ദുബായ്: ദുബായ് കെ.എം.സി.സി ബദിയടുക്ക പഞ്ചായത്ത് കമ്മിറ്റി പ്രഥമ കാരുണ്യ പദ്ധതിയായ് പാണക്കാട് സയ്യിദ് മുഹമ്മദ് അലി ശിഹാബ് തങ്ങളുടെ പേരില്‍ ബദിയടുക്കയിലും പരിസരപ്രദേശങ്ങളിലും സൗജന്യ സേവനം നടത്തുന്നതിനായി ആധുനിക രീതിയിലുള്ള സൗജന്യ ആശ്രയ ആംബുലന്‍സ് സംവിധാനമൊരുക്കാന്‍ ദുബായ് കെ.എം.സി.സി ബദിയടുക്ക പഞ്ചായത്ത് കമ്മിറ്റി യോഗം തീരുമാനിച്ചു. കഴിഞ്ഞ ആഴ്ച പുനഃസംഘടിപ്പിച്ച പഞ്ചായത്ത് കമ്മിറ്റിയുടെ ആദ്യസംരംഭമാണിത്. നേരത്തെ 4 വീടുകള്‍ നിര്‍മ്മിച്ചു നല്‍കിയിരുന്നു. ആസ്പത്രിയില്‍ കൊണ്ടുപോകുന്നതിന് വാഹനം കിട്ടാത്തതിന്റെ പേരില്‍ ഈ മാസം ഒരു ജീവന്‍ പൊലിഞ്ഞ പ്രദേശമാണ് ബദിയടുക്ക. മലയോരമേഖല ഉള്‍പ്പെടുന്ന പ്രദേശമായ ഈ മേഖലകളില്‍ നിന്നും അടിയന്തിര ചികിത്സക്ക് കാസര്‍കോടിനെയോ മംഗളൂരുവിനെയോയാണ് ആശ്രയിക്കുന്നത്. പകല്‍ സമയങ്ങളില്‍ തന്നെ വാഹനലഭ്യത കുറവുള്ള ഈ മേഖല രാത്രികാലങ്ങളില്‍ വല്യ പ്രയാസമാണ് അനുഭവിക്കുന്നത്. ഈ ദുരിതങ്ങള്‍ മനസ്സിലാക്കിക്കൊണ്ട് ഇവിടത്തുകാരുടെ ചിരകാല അഭിലാഷം സാക്ഷാത്കരിക്കുന്നതിന് വേണ്ടിയാണ് ബദിയടുക്ക പഞ്ചായത്ത് കെ.എം.സി.സി ആംബുലന്‍സിന് പ്രഥമ പരിഗണന നല്‍കിയത്. ദുബായ് കെ.എം.സി.സി ബദിയടുക്ക പഞ്ചായത്ത് പ്രസിഡണ്ട് മുഹമ്മദ് പിലാങ്കട്ട അധ്യക്ഷത വഹിച്ചു. മണ്ഡലം മുസ്ലിം ലീഗ് ട്രഷര്‍ മാഹിന്‍ കേളോട്ട് ഉദ്ഘാടനം ചെയ്തു. ദുബായ് കെ .എം.സി.സി കാസര്‍കോട് മണ്ഡലം പ്രസിഡണ്ട് സലാം കന്യപ്പാടി, ജനറല്‍ സെക്രട്ടറി പി.ഡി നൂറുദ്ദിന്‍, ട്രഷറര്‍ ഫൈസല്‍ പട്ടേല്‍, മണ്ഡലം ഭാരവാഹികളായ ഇ.ബി അഹ്മദ് മുനീഫ് ബദിയടുക്ക, എം.എസ് മൊയ്തീന്‍ ഗോളിയടുക്ക, പഞ്ചായത്ത് ഭാരവാഹികളായ അബൂബക്കര്‍ ബദിയടുക്ക, അസീസ് ചിമ്മിനടൂക്ക, സിദ്ദീഖ് കാടമന, മൊയ്തു എം.എച്ച്, കെ.ടി മുനീര്‍ ബീജന്തടുക്ക, റസാഖ് ബദിയടുക്ക, അഷ്‌റഫ് കോട്ട, ഉബൈദ് ചെടേക്കാല്‍ തുടങ്ങിയവര്‍ പ്രസംഗിച്ചു.
ജനറല്‍ സെക്രട്ടറി എം.എസ് ഹമീദ് സ്വാഗതവും ട്രഷറര്‍ അഷ്‌റഫ് കുക്കംകൂടല്‍ നന്ദിയും പറഞ്ഞു.



Recent News
  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു

  കൊടുംചൂടില്‍ ഖത്തര്‍ വേവുന്നു; നോമ്പിന്റെ സമയ ദൈര്‍ഘ്യം 15 മണിക്കൂറിലേറെ

  കെ.എം.സി.സി നോമ്പുതുറ സംഘടിപ്പിച്ചു

  ബ്രോഷര്‍ പ്രകാശനം ചെയ്തു

  മുസ്‌ലിം ലീഗ് നേതാക്കള്‍ക്ക് സ്വീകരണം നല്‍കി

  ഇഫ്താര്‍ സംഗമം നടത്തി

  ഖുര്‍ആനിന്റെ വിസ്മയ തലങ്ങള്‍ തീര്‍ത്ത് ഹോളി ഖുര്‍ആന്‍ പ്രഭാഷണം

  ബാങ്കോട്-ഗള്‍ഫ് ജമാഅത്ത്; സമീര്‍ പ്രസി., സാബിത്ത് ജന.സെക്ര., ഖലീല്‍ ട്രഷ.

  'എം.ഐ.സി. മത-ഭൗതിക വിദ്യാഭ്യാസത്തിന്റെ ഉറവിടം'

  കരുണയുടേയും സഹജീവി സ്‌നേഹത്തിന്റെയും വക്താക്കളാവണം-യഹ്‌യ തളങ്കര

  'ബി.ജെ.പി. ഭരണത്തില്‍ ജനാധിപത്യത്തിന് ഭീഷണി'

  ഗസ്സാലി പ്രീമിയര്‍ ലീഗില്‍ ടൈഗേര്‍സ് ഗസ്സാലി ജേതാക്കള്‍

  'അവശത അനുഭവിക്കുന്ന ഉസ്താദുമാരെ സഹായിക്കും'