updated on:2017-11-11 08:03 PM
ഓര്‍മ്മകളുടെ വീണ്ടെടുപ്പ് ഗ്രാമീണ സംസ്‌കൃതികളുടെ തിരിച്ചുവരവിന് സഹായിക്കും - സി.വി.ബാലകൃഷ്ണന്‍

www.utharadesam.com 2017-11-11 08:03 PM,
ഷാര്‍ജ:– ഓര്‍മ്മകളുടെ വീണ്ടെടുപ്പ് ഗ്രാമീണ സംസ്‌കൃതികളുടെ വീണ്ടെടുപ്പിന് സഹായിക്കുമെന്ന് സാഹിത്യകാരന്‍ സി.വി. ബാലകൃഷ്ണന്‍ പറഞ്ഞു. ഷാര്‍ജ രാജ്യാന്തര പുസ്തകമേളയില്‍ മാധ്യമപ്രവര്‍ത്തകന്‍ സാദിഖ് കാവിലിന്റെ 'കാവിലെ പൂക്കള്‍ക്കും കിളികള്‍ക്കും' എന്ന ഓര്‍മക്കുറിപ്പുകളുടെ സമാഹാരം പ്രകാശനം ചെയ്തു പ്രസംഗിക്കുകയായിരുന്നു അദ്ദേഹം.
വടക്കന്‍ കേരളത്തിലെ കാവുകളും കുളങ്ങളും തെയ്യങ്ങളുമെല്ലാം ജീവിതത്തിന്റെ ഭാഗമാണ്. ജാതി-മത-വര്‍ഗ-വ്യത്യാസമില്ലാതെ അവയെ സംരക്ഷിക്കുന്നവരാണ് വടക്കന്‍ കേരളക്കാര്‍. ഇല്ലമെന്നും കാവെന്നും എല്ലാ മത വിഭാഗത്തിന്റെ തറവാടുകള്‍ക്കും പേരിടുന്നതു പോലും അതുകൊണ്ടാണ്. സമകാലികാവസ്ഥയില്‍ കേരളത്തിന്റെ അവസ്ഥ പരിതാപകരമാണ്. ഓര്‍മകള്‍ക്കും ഓര്‍മക്കുറിപ്പുകള്‍ക്കും പൊയ്‌പ്പോയ നല്ല നാളുകളെ ഓര്‍മ്മിക്കണമെന്ന സാംസ്‌കാരിക ദൗത്യം കൂടി നിര്‍വഹിക്കുന്നു. ഓര്‍മ്മകള്‍ നഷ്ടപ്പെടുന്നതാണ് ഒരു മനുഷ്യന്‍ നേരിടുന്ന ഏറ്റവും ഭയാനകമായ അവസ്ഥയെന്നും കാവിലെ പൂക്കള്‍ക്കും കിളികള്‍ക്കും എന്ന പുസ്തകം ഇത്തരം അവസ്ഥകളെ ചൂണ്ടിക്കാണിക്കുന്നുവെന്നും അദ്ദേഹം പറഞ്ഞു.
യുവ നര്‍ത്തകി ദില്‍നാ ദിനേശ് കുമാര്‍ പുസ്തകം ഏറ്റുവാങ്ങി. കവി ഗോപിനാഥ് കോങ്ങാട്ടില്‍ പുസ്തകപരിചയം നടത്തി. പ്രസാധകരായ കൈരളി ബുക്‌സ് പ്രതിനിധി അശോക് കുമാര്‍, കവി രാഗേഷ് വെങ്കിലാട്, ഗായത്രി, സാദിഖ് കാവില്‍ എന്നിവര്‍ പ്രസംഗിച്ചു. സാദിഖ് കാവില്‍ രചിച്ച ഖുഷി എന്ന ബാലനോവലിനെ ആസ്പദമാക്കി മോട്ടിവേഷനല്‍ മാന്ത്രികന്‍ നാസര്‍ റഹ്മാന്‍ മാജിക് അവതരിപ്പിച്ചു. ഉണ്ണി കുലുക്കല്ലൂര്‍ ഉപഹാരം നല്‍കി.



Recent News
  നിര്‍ഭയത്വമുള്ള സാമൂഹിക ജീവിതത്തിന് വിദ്യാഭ്യാസമാണ് വലിയ ആയുധം'

  അബുദാബിയില്‍ അന്തരിച്ചു

  കെ.എം.സി.സി ഇന്‍സ്‌പൈരോ-18 ഇന്ന്‌

  ചെര്‍ക്കളം അബ്ദുല്ല സ്മാരക ഫുട്‌ബോള്‍ ടൂര്‍ണമെന്റ്; സംഘാടക സമിതി രൂപീകരിച്ചു

  മഞ്ചേശ്വരം സ്വദേശി ഖത്തറില്‍ അന്തരിച്ചു

  ഫണ്ട് ഉദ്ഘാടനം ചെയ്തു

  ഖത്തര്‍ കാസര്‍കോട് ജില്ലാ കെ.എം.സി.സി 'പഠിപ്പുര ഹരിതപാഠം' പഠന ക്യാമ്പ് സംഘടിപ്പിച്ചു

  ദുബായ് കെ.എം.സി.സി. മഞ്ചേശ്വരം മണ്ഡലം കമ്മിറ്റിയുടെ 3-ാമത്തെ ബൈത്തുറഹ്മ പുത്തിഗെയില്‍

  മൂന്ന് വര്‍ഷമായി സൗദി ആസ്പത്രിയിലെ മോര്‍ച്ചറിയില്‍ സൂക്ഷിച്ചിരുന്ന കന്യപ്പാടി സ്വദേശിയുടെ മയ്യത്ത് ഖബറടക്കി

  ദുബായ് കെ.എം.സി.സി രക്തദാന ക്യാമ്പ് ശ്രദ്ധേയമായി

  സാദിഖ് കാവിലിന്റെ നോവല്‍ 'ഔട്ട് പാസ്' ജര്‍മന്‍ ഭാഷയിലേയ്ക്ക്

  സാദിഖ് കാവിലിന്റെ 'ഖുഷി'ക്ക് ബാലസാഹിത്യ പുരസ്‌കാരം

  ഇര്‍ത്തിഫാക്ക്-18 ദുബായില്‍

  മക്ക-കാസര്‍കോട് ഐക്യവേദി രൂപീകരിച്ചു

  ഖുര്‍ആന്‍ പാരായണ മത്സരം നടത്തി