updated on:2017-12-04 07:37 PM
യു.എ.ഇ ദേശീയ ദിനാഘോഷം; ദുബായ് കെ.എം.സി.സി സമ്മേളനം 8ന്

www.utharadesam.com 2017-12-04 07:37 PM,
ദുബായ്: 46-ാം യു.എ.ഇ ദേശീയ ദിനാഘോഷ പരിപാടികള്‍ക്ക് സമാപനം കുറിച്ചു കൊണ്ടുള്ള ദുബായ് കെ.എം. സി.സി. പൊതുസമ്മേളനം എട്ടിന് 6 മണി മുതല്‍ ഗര്‍ഹൂദ് എന്‍.ഐ. മോഡല്‍ സ്‌കൂള്‍ ഗ്രൗണ്ടില്‍ നടക്കും.
സ്‌പോര്‍ട്‌സ് മീറ്റ്, കലാസാഹിത്യ മത്സരം, രക്തദാന ക്യാമ്പ്, ക്ലീന്‍ അപ് ദി വേള്‍ഡ് ശുചീകരണ യജ്ഞം തുടങ്ങി വിവിധ പരിപാടികള്‍ക്ക് ശേഷം നടക്കുന്ന സമ്മേളനത്തില്‍ വന്‍ ജനപങ്കാളിത്തം ഉറപ്പുവരുത്താനുള്ള മുന്നൊരുക്കങ്ങളാണ് നടന്നു വരുന്നത്. മുസ്ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ.ടി. മുഹമ്മദ് ബഷീര്‍ എം.പി, പാണക്കാട് സയ്യിദ് സാദിഖലി ശിഹാബ് തങ്ങള്‍ തുടങ്ങിയ നേതാക്കളും നയതന്ത്ര പ്രതിനിധികളും അറബ് പ്രമുഖരും വ്യവസായ വാണിജ്യ രംഗത്തെ ശ്രദ്ധേയ വ്യക്തിത്വങ്ങളും പരിപാടിയില്‍ സംബന്ധിക്കും.
പ്രശസ്ത ഗായകരായ എം. എ. ഗഫൂര്‍, നവാസ് പാലേരി എന്നിവരുടെ നേതൃത്വത്തില്‍ നടക്കുന്ന ഇശല്‍ സന്ധ്യയില്‍ ടെലിവിഷന്‍ റിയാലിറ്റി ഷോ താരങ്ങളായ മുഹമ്മദ് ഷന്‍വര്‍, റബീഉല്ല, ഹംദ നൗഷാദ് എന്നിവരും അണിനിരക്കും. പരിപാടിയുടെ വിജയത്തിനായി വിപുലമായ ഒരുക്കങ്ങള്‍ നടന്നുവരുന്നു. ഇതുസംബന്ധിച്ച് ചേര്‍ന്ന സ്വാഗത സംഘം പ്രചാരണ കമ്മിറ്റി യോഗത്തില്‍ ചെയര്‍മാന്‍ ഇസ്മായില്‍ ഏറാമല അധ്യക്ഷത വഹിച്ചു.
ദുബായ് കെ.എം.സി.സി. ജനറല്‍ സെക്രട്ടറി ഇബ്രാഹിം മുറിച്ചാണ്ടി ഉദ്ഘാടനം ചെയ്തു.
സംസ്ഥാന ട്രഷറര്‍ എ.സി. ഇസ്മായില്‍, ഒ.കെ. ഇബ്രാഹിം, അഡ്വ. സാജിദ് അബൂബക്കര്‍, അഷ്‌റഫ് കൊടുങ്ങല്ലുര്‍, ജമാലുദ്ദീന്‍ മഞ്ചേരി, മുഹമ്മദ് പുറമേരി, മൂസ കൊയമ്പ്രം, മജീദ് പാത്തിപ്പാലം, സിദ്ധീഖ് ചൗക്കി പ്രസംഗിച്ചു. കണ്‍വീനര്‍ സൈനുദ്ദീന്‍ ചേലേരി സ്വാഗതവും സലാം കന്യപ്പാടി നന്ദിയും പറഞ്ഞു.



Recent News
  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു

  കൊടുംചൂടില്‍ ഖത്തര്‍ വേവുന്നു; നോമ്പിന്റെ സമയ ദൈര്‍ഘ്യം 15 മണിക്കൂറിലേറെ

  കെ.എം.സി.സി നോമ്പുതുറ സംഘടിപ്പിച്ചു

  ബ്രോഷര്‍ പ്രകാശനം ചെയ്തു

  മുസ്‌ലിം ലീഗ് നേതാക്കള്‍ക്ക് സ്വീകരണം നല്‍കി

  ഇഫ്താര്‍ സംഗമം നടത്തി

  ഖുര്‍ആനിന്റെ വിസ്മയ തലങ്ങള്‍ തീര്‍ത്ത് ഹോളി ഖുര്‍ആന്‍ പ്രഭാഷണം

  ബാങ്കോട്-ഗള്‍ഫ് ജമാഅത്ത്; സമീര്‍ പ്രസി., സാബിത്ത് ജന.സെക്ര., ഖലീല്‍ ട്രഷ.

  'എം.ഐ.സി. മത-ഭൗതിക വിദ്യാഭ്യാസത്തിന്റെ ഉറവിടം'

  കരുണയുടേയും സഹജീവി സ്‌നേഹത്തിന്റെയും വക്താക്കളാവണം-യഹ്‌യ തളങ്കര

  'ബി.ജെ.പി. ഭരണത്തില്‍ ജനാധിപത്യത്തിന് ഭീഷണി'

  ഗസ്സാലി പ്രീമിയര്‍ ലീഗില്‍ ടൈഗേര്‍സ് ഗസ്സാലി ജേതാക്കള്‍

  'അവശത അനുഭവിക്കുന്ന ഉസ്താദുമാരെ സഹായിക്കും'