updated on:2017-12-17 06:34 PM
യു.എ.ഇ. കാര്‍ റാലി ചാമ്പ്യന്‍ഷിപ്പ്: മൂസാ ഷരീഫ് സഖ്യത്തിന് കിരീടം

www.utharadesam.com 2017-12-17 06:34 PM,
അജ്മാന്‍: യു.എ.ഇയുടെ വിവിധ ഭാഗങ്ങളിലായി ആവേശത്തിന്റെ അലകള്‍ തീര്‍ത്ത് ഒരു വര്‍ഷത്തോളമായി നടന്ന യു.എ.ഇ പി.ഡബ്ല്യു.ഡി കാര്‍ റാലി ചാമ്പ്യന്‍ഷിപ്പ്-2017ല്‍ മൊഗ്രാല്‍ പെര്‍വാഡ് സ്വദേശി മൂസാ ഷരീഫ്-തൃശൂര്‍ ഗുരുവായൂര്‍ സ്വദേശി സനീം സാനി സഖ്യം മുത്തമിട്ടു. 5 റൗണ്ടുകള്‍ അടങ്ങിയ യു.എ.ഇ കാര്‍ റാലി ചാമ്പ്യന്‍ഷിപ്പിലെ 4 റൗണ്ടുകളിലും മിന്നും ജയം നേടിയാണ് ഈ സഖ്യം കിരീടം മാറോടണച്ചത്. ഷാര്‍ജ, ഉമ്മുല്‍ ഖുവൈന്‍, റാസല്‍ ഖൈമ, ഫുജൈറ എന്നീ സ്ഥലങ്ങളിലെ മരുഭൂമിയിലെ അപകടം നിറഞ്ഞ പാതയിലായിരുന്നു മത്സരങ്ങള്‍ നടന്നത്. കഴിഞ്ഞ 25 വര്‍ഷമായി ദേശീയ-അന്തര്‍ ദേശീയ റാലികളില്‍ വിജയ ഗാഥ തുടരുന്ന മൂസാ ഷരീഫ് ജി.സി.സി മേഖലയില്‍ ഇതിനകം മത്സരിച്ച അഞ്ച് റാലികളിലും തിളക്കമാര്‍ന്ന വിജയമാണ് നേടിയത്. ഇന്ത്യന്‍ റാലി സര്‍ക്യൂട്ടിലെ ഒന്നാം നമ്പര്‍ നാവിഗേറ്ററും ലിംകാ ബുക്ക് ഓഫ് റെക്കോര്‍ഡ്‌സില്‍ അംഗവുമായ മൂസാ ഷരീഫ് ഇതിനകം അമ്പതില്‍ പരം അന്താരാഷ്ട്ര റാലികളില്‍ മത്സരിച്ച കഴിഞ്ഞു. അജ്മാന്‍ പാലസ് ഹോട്ടലില്‍ നടന്ന ചടങ്ങില്‍ യു.എ.ഇ മോട്ടോര്‍ സ്‌പോര്‍ട്ട് തലവന്‍ മുഹമ്മദ് ബിന്‍ സുലയേം വിജയികള്‍ക്ക് അവാര്‍ഡുകള്‍ വിതരണം ചെയ്തു.
യു.എ.ഇ കാര്‍ റാലി ചാമ്പ്യന്‍ഷിപ്പ്-2018 ന്റെ ആദ്യ റൗണ്ട് മത്സരം ജനുവരി ആദ്യവാരത്തില്‍ ആരംഭിക്കും. സനീം സാനി തന്നെയായിരിക്കും മൂസ ഷരീഫിന്റെ കൂട്ടാളി. ഈ വര്‍ഷം ഇനിയും രണ്ട് പ്രമുഖ റാലികളില്‍ മത്സരിക്കുന്ന മൂസ ഷരീഫ് മലേഷ്യന്‍ റാലിക്കായി പുറപ്പെട്ടു.



Recent News
  സാദിഖ് കാവിലിന്റെ നോവല്‍ 'ഔട്ട് പാസ്' ജര്‍മന്‍ ഭാഷയിലേയ്ക്ക്

  സാദിഖ് കാവിലിന്റെ 'ഖുഷി'ക്ക് ബാലസാഹിത്യ പുരസ്‌കാരം

  ഇര്‍ത്തിഫാക്ക്-18 ദുബായില്‍

  മക്ക-കാസര്‍കോട് ഐക്യവേദി രൂപീകരിച്ചു

  ഖുര്‍ആന്‍ പാരായണ മത്സരം നടത്തി

  കെ.എം.സി.സി ജിദ്ദ മഞ്ചേശ്വരം മണ്ഡലം ഹജ്ജ് വളണ്ടിയര്‍ സംഗമം

  നജ്മ ഹജ്ജ് പഠന ക്ലാസ് ഉദ്ഘാടനം

  'ഹൃദയ ധമനികളിലെ ബ്ലോക്കുകള്‍ മരണ വാറണ്ടുകളല്ല'

  ലോകകപ്പ് ഫുട്‌ബോള്‍ സ്റ്റേഡിയത്തില്‍ സാന്നിധ്യമായി തളങ്കരയും

  ഗാനഗന്ധര്‍വ്വന്റെ സ്വരമാധുരിയില്‍ തിളങ്ങുന്ന രതീഷിന് ഷാര്‍ജയിലും വരവേല്‍പ്പ്

  മക്കാ കാസര്‍കോട് ഐക്യവേദിയുടെ ലോഗോ പ്രകാശനം ചെയ്തു

  ശിഫായത്ത് റഹ്മ: രണ്ടുപേര്‍ക്ക് കൂടി സാന്ത്വനം നല്‍കി

  ഉത്തരേന്ത്യയിലെ നിര്‍ധന വിദ്യാര്‍ത്ഥികള്‍ക്കുള്ള സ്‌കൂള്‍ കിറ്റ് പദ്ധതിക്ക് സഹായവുമായി ഖത്തര്‍-കാസര്‍കോട് ജില്ലാ കെ.എം.സി.സി

  ദാറുല്‍ ഹുദാ കുടുംബത്തില്‍ കണ്ണിചേര്‍ന്നവരെ കെ.എം.സി.സി. അഭിനന്ദിച്ചു

  സൗദിയില്‍ മലയാളി ഡ്രൈവര്‍മാര്‍ തൊഴില്‍ നഷ്ടപ്പെട്ട് നാട്ടിലേക്ക് മടങ്ങുന്നു