updated on:2018-01-16 04:36 PM
യു.എ.ഇ. കാര്‍ റാലി ചാമ്പ്യന്‍ഷിപ്പ്; മൂസ ഷരീഫ് ജയത്തോടെ തുടങ്ങി

www.utharadesam.com 2018-01-16 04:36 PM,
ഷാര്‍ജ: ഷാര്‍ജയില്‍ ആരംഭിച്ച യു.എ.ഇ പി.ഡബ്ല്യു.ഡി കാര്‍ റാലി ചാമ്പ്യന്‍ഷിപ്പ് 2018ന്റെ ആദ്യ റൗണ്ടില്‍ മൂസ ഷരീഫിന് അനായാസ വിജയം. 2018 വര്‍ഷത്തെ ആദ്യ വിജയമാണിത്. എമിറേറ്റ്‌സ് മോട്ടോര്‍ സ്‌പോര്‍ട്‌സ് ഫെഡറേഷനാണ് അഞ്ച് റൗണ്ടുകളടങ്ങുന്ന റാലി യു.എ.ഇ.യിലെ വിവിധ എമിറേറ്റ്‌സുകളിലായി ഒരു വര്‍ഷം നീണ്ടു നില്‍ക്കുന്ന പരിപാടികളുമായി സംഘടിപ്പിക്കുന്നത്. പതിവ് പോലെ എതിരാളികളെ ബഹുദൂരം പിന്നിലാക്കിയാണ് ഈ വിജയം. കഴിഞ്ഞ 26 വര്‍ഷമായി ദേശീയ അന്തര്‍ ദേശീയ റാലികളില്‍ വിജയ ഗാഥ തുടരുന്ന മൂസാ ഷരീഫ് ജി.സി.സി മേഖലയില്‍ ഇതിനകം മത്സരിച്ച ഏഴ് റാലികളിലും തിളക്കമാര്‍ന്ന വിജയമാണ് കരസ്ഥമാക്കിയത്. മരുഭൂമിയിലെ അപകടം നിറഞ്ഞ പാതയിലെ അതിവേഗ റൗണ്ടുകള്‍ അടക്കം ഉള്‍കൊള്ളുന്നതായിരുന്നു റാലി. തൃശൂര്‍ ഗുരുവായൂര്‍ സ്വദേശി സനീം സാനിയായിരുന്നു മൂസാ ഷരീഫിന്റെ കൂട്ടാളി. ഈ സഖ്യം തന്നെയായിരുന്നു യു.എ.ഇ കാര്‍ റാലി ചാമ്പ്യന്‍ഷിപ്പ് 2017ലും ജേതാക്കളായത്. ഇന്ത്യന്‍ റാലി സര്‍ക്യൂട്ടിലെ ഒന്നാം നമ്പര്‍ നാവിഗേറ്ററും ലിംകാ ബുക്ക് ഓഫ് റെക്കോര്‍ഡ്‌സില്‍ അംഗവുമായ മൊഗ്രാല്‍ പെര്‍വാഡ് സ്വദേശി മൂസാ ഷരീഫ് ഫോര്‍ഡ് ഫിയസ്റ്റ കാറുമായാണ് സനീം സാനിയുമൊത്ത് എം.ആര്‍ .എഫ് ടീമിന് വേണ്ടി മത്സരത്തിനിറങ്ങിയത്. രണ്ടാം റൗണ്ട് മത്സരം ഫെബ്രുവരിയില്‍ ഉമ്മുല്‍ ഖുവൈനില്‍ വെച്ച് നടക്കും. ബംഗളൂരുവില്‍ വെച്ച് ജനുവരി 20, 21 തീയതികളില്‍ നടക്കുന്ന ദേശീയ കാര്‍ റാലി ചാമ്പ്യന്‍ഷിപ്പിന്റെ അന്തിമ റൗണ്ടില്‍ ചാമ്പ്യന്‍ പട്ടം അഞ്ചാമതും ലക്ഷ്യമിട്ട് മൂസ ഷരീഫ് -ഗൗരവ് ഗില്‍ സഖ്യം കളത്തിലിറങ്ങും.



Recent News
  യു.എ.ഇ. കളനാട് മഹല്‍ സംഗമം മാര്‍ച്ചില്‍

  യു.എ.ഇ കാര്‍ റാലി ചാമ്പ്യന്‍ഷിപ്പ് 2019: മൂസ ഷരീഫ് ജയത്തോടെ തുടങ്ങി

  പ്രവാസി ഇന്ത്യക്കാരെ കയ്യിലെടുത്ത് രാഹുല്‍ ഗാന്ധി; ഇന്ന് അബുദാബി ഗ്രാന്റ് മോസ്‌കില്‍

  രാഹുലിനൊപ്പം മേല്‍പ്പറമ്പ് സ്വദേശിനിയുടെ സെല്‍ഫി വൈറലായി

  ആവേശ തരംഗമുയര്‍ത്തി രാഹുല്‍ യു.എ.ഇയില്‍

  'രാഹുലിന്റെ സന്ദര്‍ശനം വിജയിപ്പിക്കുന്നതില്‍ കെ.എം.സി.സിയുടെ പ്രവര്‍ത്തനം ശ്രദ്ധേയം'

  രാഹുല്‍ഗാന്ധിയുടെ പര്യടനം; കെ.എം.സി.സിയുടെ രക്തദാന ക്യാമ്പ് ഇന്ന്

  രാഹുല്‍ ഗാന്ധിയുടെ യു.എ.ഇ. സന്ദര്‍ശനം: പ്രചാരണ പരിപാടികളുമായി കെ.എം.സി.സി.

  'സി.എം ഉസ്താദ്: പണ്ഡിത ധര്‍മ്മത്തെ അര്‍ത്ഥപൂര്‍ണ്ണമാക്കിയ കര്‍മ്മയോഗി'

  ശൈഖ് സായിദിന്റെ ജീവചരിത്ര ഗ്രന്ഥം ഇന്ത്യന്‍ ഭാഷകളില്‍ പുറത്തിറങ്ങുന്നു

  പൂര്‍വ്വ വിദ്യാര്‍ത്ഥി സംഗമവും കെ.എസ്. അബ്ദുല്ല സ്മാരക പ്രീമിയര്‍ ലീഗും ജനുവരിയില്‍

  യാത്രയയപ്പ്

  എസ്.കെ.എസ്.എസ്.എഫ് അബുദാബി- മഞ്ചേശ്വരം മേഖലാ കമ്മിറ്റി രൂപീകരിച്ചു

  യു.എ.ഇ.യില്‍ പള്ളം കുടുംബ സംഗമം നടത്തി

  സ്വീകരണം നല്‍കി