updated on:2018-03-12 02:06 PM
അബുദാബി മഞ്ചേശ്വരം മണ്ഡലം കെ.എം.സി.സി 'പിരിസം ബെക്കല്‍' നവ്യാനുഭവമായി

www.utharadesam.com 2018-03-12 02:06 PM,
അബുദാബി: മഞ്ചേശ്വരം മണ്ഡലം കെ.എം.സി.സി സംഘടിപ്പിച്ച 'പിരിസം ബെക്കല്‍ സീസണ്‍-2' പ്രവര്‍ത്തകര്‍ക്ക് മറക്കാത്ത ഒരു പാട് നവ്യാനുഭവങ്ങള്‍ പകര്‍ന്നു. കളി ചിരി തമാശകളും പാട്ടു പാടിയും സമയം ചെലവഴിച്ച പ്രവര്‍ത്തകരില്‍ പ്രവാസത്തിന്റെ പിരിമുറുക്കം മറന്ന മണിക്കൂറുകള്‍ ആഘോഷ വേളയാക്കി മാറ്റി.
സാക്കിര്‍ കമ്പാറിന്റെ പ്രാര്‍ത്ഥനയോടെ ആരംഭം കുറിച്ച പരിപാടിയില്‍ പതിവിനു വിപരീതമായി നറുക്കെടുത്താണ് സ്വാഗതം, അധ്യക്ഷന്‍, ഉദ്ഘാടകന്‍ എന്നിവരെ നിശ്ചയിച്ചത്. സിറാജുദ്ദീന്‍ കെ. സ്വാഗതവും അഷ്‌റഫ് അലി പെരിങ്ങാടി അധ്യക്ഷതയും മുസ്തഫ ബയാര്‍ ഉദ്ഘാടനവും നിര്‍വ്വഹിച്ചു. മൂവര്‍ ചേര്‍ന്ന് കേക്ക് മുറിച്ച് പിരിസം ബെക്കലിന് തുടക്കം കുറിച്ചു.
സെഡ്.എ മൊഗ്രാല്‍, മുജീബ് മൊഗ്രാല്‍, അസീസ് പെര്‍മുദെ, സുല്‍ഫി ഷേണി, അബ്ദുല്‍ റഹ്മാന്‍ കമ്പള ബായാര്‍ എന്നിവര്‍ നേതൃത്വം നല്‍കി.
പ്രവര്‍ത്തകര്‍ കൊണ്ടുവന്ന സ്‌നേഹ സമ്മാനം അവരവര്‍ തന്നെ നറുക്കെടുത്തു പരസ്പരം കൈമാറിയത് ഏറെ വികാര നിര്‍ഭരമായ രംഗങ്ങള്‍ക്ക് വേദിയായി. അവസാനം പരിപാടിയില്‍ നന്ദി രേഖപ്പെടുത്താന്‍ നറുക്കു വീണത് ഷെരീഫ് ഉറുമിക്കാണ്.
അബുദാബി ഇന്ത്യന്‍ ഇസ്ലാമിക് സെന്ററില്‍ വെച്ചാണ് പിരിസം ബെക്കല്‍ പരിപാടി മഞ്ചേശ്വരം മണ്ഡലം കെ.എം. സി.സി സംഘടിപ്പിച്ചത്.



Recent News
  മതേതര ചേരിയെ വിജയിപ്പിക്കണം- കെ.എം.സി.സി

  ഹാദിയ ഹൈദരാബാദ് കമ്മിറ്റി രൂപീകരിച്ചു

  ദുബായില്‍ കാസര്‍കോട് ചാമ്പ്യന്‍സ് ലീഗ് നാളെ

  കാസ്രോട്ടാറെ ബോള് കളി; സംഘാടക സമിതി രൂപീകരിച്ചു

  കാസര്‍കോട് സ്വദേശികളുടെ സംരംഭത്തിന് യു.എ.ഇ. ഇത്തിസലാത്ത് പുരസ്‌കാരം

  മലബാര്‍ സ്‌പോര്‍ട്‌സ് ഫൗണ്ടേഷന്‍ പ്രതിഭാ സംഗമം നടത്തി

  ബി.എം.ബാവ ഹാജിക്ക് യാത്രയയപ്പ് നല്‍കി

  യു.എ.ഇ കളനാട് മഹല്‍ സംഗമം 29ന്

  ഖത്തര്‍ കെ.എം.സി.സി ജില്ലാ കമ്മിറ്റി മുസ്ലിം ലീഗ് സ്ഥാപകദിനം ആഘോഷിച്ചു

  ദുബായ് കെ.എം.സി.സി പള്ളിക്കര പഞ്ചായത്ത് കമ്മിറ്റി

  ലീഗ് സ്ഥാപക ദിനാഘോഷവും സ്വീകരണവും സംഘടിപ്പിച്ചു

  കെ.എം.സി.സി ക്രിക്കറ്റ് ഫെസ്റ്റ്; കാറഡുക്ക ജേതാക്കള്‍

  യാത്രയയപ്പ്

  ചെര്‍ക്കളം അബ്ദുല്ല സ്മാരക സോക്കര്‍ ലീഗ് സംഘടിപ്പിച്ചു

  യു.എ.ഇ കോപ്പ മീറ്റ് നാളെ