updated on:2019-03-07 08:46 PM
ചെര്‍ക്കളം അബ്ദുല്ല സ്മാരക സോക്കര്‍ ലീഗ് സംഘടിപ്പിച്ചു

www.utharadesam.com 2019-03-07 08:46 PM,
ദുബായ്: ദുബായ് കെ.എം.സി.സി ഉദുമ മണ്ഡലം കമ്മിറ്റി സോക്കര്‍ ലീഗും കാസര്‍കോടിയന്‍ മെഗാ മീറ്റും സംഘടിപ്പിച്ചു.
മുസ്‌ലിം ലീഗ് നേതാവ് ചെര്‍ക്കളം അബ്ദുല്ലയുടെ സ്മരണയ്ക്കായി ദുബായ് കെ.എം.സി.സി ഉദുമ മണ്ഡലം കമ്മിറ്റി ദുബായ് വെല്‍ഫിറ്റ് ഇന്റര്‍നാഷണല്‍ സ്റ്റേഡിയത്തില്‍ സംഘടിപ്പിച്ച പ്രഥമ സോക്കര്‍ ലീഗ് ഫുട്‌ബോള്‍ ടൂര്‍ണമെന്റില്‍ പന്ത്രണ്ടു ടീമുകള്‍ മത്സരിച്ചു.
ഫൈനല്‍ മത്സരത്തില്‍ ഏകപക്ഷീയമായ ഒരു ഗോളിന് ശക്തരായ സ്‌ക്വയര്‍ വണ്‍ എഫ്.സിയെ പരാജയപ്പെടുത്തി ജി.എഫ്.സി ഒറവങ്കര ജേതാക്കളായി.
വ്യത്യസ്തങ്ങളായ വിനോദ, വിജ്ഞാന മത്സരങ്ങള്‍ കുട്ടികള്‍ക്കും സ്ത്രീകള്‍ക്കും വേണ്ടി വെവ്വേറെ സംഘടിപ്പിച്ചിരുന്നു. ഫ്‌ളവേഴ്‌സ് എഫ്.എം ആര്‍.ജെ രശ്മി നായര്‍, ജനറല്‍ സെക്രട്ടറി ഷബീര്‍ കീഴൂര്‍ മത്സര പരിപാടികള്‍ നിയന്ത്രിച്ചു. മജീഷ്യന്‍ ചാര്‍ളിയുടെ പ്രകടനം കുട്ടികള്‍ക്ക് വിസ്മയം പകര്‍ന്നു. കുടുംബിനികള്‍ക്ക് പുഡ്ഡിംഗ് കേക്ക് ഡെക്കറേഷന്‍ മത്സരം നടത്തി.
ഗായകന്‍ അഫ്‌സലിന്റെ ഗാന വിരുന്ന് സദസ്സിനെ കൈയ്യിലെടുത്തു. അല്‍ നൂര്‍ പോളി ക്ലിനിക് പ്രത്യേക മെഡിക്കല്‍ പരിശോധന സൗകര്യം ഒരുക്കിയിരുന്നു.
ചെര്‍ക്കളം അബ്ദുല്ല സ്മാരക സോക്കര്‍ ലീഗിന്റെ ഉദ്ഘാടനം ദുബായ് കെ.എം.സി.സി സംസ്ഥാന പ്രസിഡണ്ട് ഇബ്രാഹിം എളേറ്റിലും കാസര്‍കോടിയന്‍ മെഗാ മീറ്റിന്റെ ഉദ്ഘാടനം മുസ്‌ലിം ലീഗ് കാസര്‍കോട് ജില്ലാ ട്രഷറര്‍ കല്ലട്ര മാഹിന്‍ ഹാജിയും നിര്‍വഹിച്ചു. മുസ്ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസ്, ഉദുമ മണ്ഡലം മുസ്‌ലിം ലീഗ് പ്രസിഡണ്ട് കെ.ഇ.എ ബക്കര്‍, ജനറല്‍ സെക്രട്ടറി എ.ബി. ഷാഫി എന്നിവര്‍ മുഖ്യാതിഥികളായിരുന്നു. സാമൂഹിക പ്രവര്‍ത്തകന്‍ അമീര്‍ കല്ലട്ര, സ്‌ട്രൈക്കര്‍ അബ്ദുല്ല, ജബ്ബാര്‍ തെക്കില്‍, അബ്ദുല്‍ ഖാദര്‍ കളനാട് എന്നിവരെ പൊന്നാടയും മോമെന്റെയും നല്‍കി ആദരിച്ചു. ഇസ്മായില്‍ നാലാംവാതുക്കല്‍ അധ്യക്ഷതവഹിച്ചു. ഹുസൈനാര്‍ ഹാജി എടച്ചാക്കൈ, എം.എ മുഹമ്മദ് കുഞ്ഞി, അഡ്വ. ഇബ്രാഹിം ഖലീല്‍, അബ്ദുല്ല ആറങ്ങാടി, സലാം കന്യാപ്പാടി, ഹനീഫ ടി.ആര്‍, അഫ്‌സല്‍ മെട്ടമ്മല്‍, അഷ്‌റഫ് കര്‍ള, അസീസ് കീഴൂര്‍, സിദ്ദിഖ് പള്ളിപ്പുഴ, റഷീദ് ഹാജി കല്ലിങ്കല്‍, നൂറുദ്ധീന്‍ കാഞ്ഞങ്ങാട്, റാഫി പള്ളിപ്പുറം, ഹസൈനര്‍ ബീജന്തെടുക്ക, യുസഫ് മുക്കൂട്, ഫൈസല്‍ മുഹ്‌സിന്‍, ഹാഷിം പടിഞ്ഞാര്‍, സലാം തട്ടാനിച്ചേരി, ഫൈസല്‍ പട്ടേല്‍, എ.ജി. എ റഹ്മാന്‍, ഷബീര്‍ കൈതക്കാട്, പി.ഡി. നൂറുദ്ധീന്‍, ഡോ. ഇസ്മായില്‍, ഷാജഹാന്‍ കാഞ്ഞങ്ങാട് സംബന്ധിച്ചു. റഊഫ് കെ.ജി.എന്‍ സ്വാഗതവും ബഷീര്‍ സി.എ നന്ദിയും പറഞ്ഞു.



Recent News
  മജ്‌ലിസുന്നൂറും ഇഫ്ത്താര്‍ സംഗമവും സംഘടിപ്പിച്ചു

  ജെ.സി.ഐ. കാസര്‍കോടിന്റെ വിദ്യാഭ്യാസ എക്‌സ്‌പോ ശ്രദ്ധേയമായി

  സല്‍കര്‍മ്മങ്ങള്‍ കൊണ്ട് കരുത്താര്‍ജിക്കാനുള്ള സമര്‍പ്പണമാണ് വിശ്വാസിയുടെ സമ്പാദ്യം-യു.എം

  'രോഗ പ്രതിരോധ ബോധവല്‍ക്കരണത്തില്‍ പ്രവാസികള്‍ കൂടുതല്‍ ശ്രദ്ധ ചെലുത്തണം'

  ദുബായ് അന്താരാഷ്ട്ര ഹോളി ഖുര്‍ആന്‍ അവാര്‍ഡ്; പ്രഭാഷണം 15ന്

  കാസര്‍കോട് സോക്കര്‍ ലീഗ്; ബൗണ്‍സ് ഖത്തര്‍ ജേതാക്കള്‍

  കെ.എം.സി.സി ഹെല്‍ത്തി ഫ്രൈഡേ സംഘടിപ്പിച്ചു

  ജേഴ്‌സി പ്രകാശനം ചെയ്തു

  ദുബായില്‍ സ്വീകരണം നല്‍കി

  വെല്‍ഫെയര്‍ സ്‌കീം കാമ്പയിനുമായി ഉദുമ മണ്ഡലം കെ.എം.സി.സി

  ക്ലബ്ബ് ബേരിക്കന്‍സ് ഫുട്‌ബോള്‍ ചാമ്പ്യന്‍സ് ലീഗ്; യുനൈറ്റഡ് പട്ട്‌ള ജേതാക്കള്‍

  ഷാഡോ വോളിഫെസ്റ്റ്; ഒണ്‍ലി ഫ്രഷ് ജേതാക്കളായി

  ദുബായില്‍ യു.ഡി.എഫ് കാസര്‍കോട് മണ്ഡലം കണ്‍വെന്‍ഷന്‍ 4ന്

  കാസര്‍കോട് സ്വദേശികളുടെ സംരംഭത്തിന് യു.എ.ഇ. ഇത്തിസലാത്ത് പുരസ്‌കാരം

  ദുബായില്‍ പുത്തൂര്‍ ഫുട്‌ബോള്‍ ലീഗ് നാളെ