updated on:2016-02-11 07:12 AM
കെഎസ്ആര്‍ടിസി ഓര്‍ഡിനറി ബസുകളിലെ യാത്രാനിരക്ക് ഒരു രൂപ കുറച്ചു

www.utharadesam.com 2016-02-11 07:12 AM,
തിരുവനന്തപുരം: കെഎസ്ആര്‍ടിസി ഓര്‍ഡിനറി ബസുകളിലെ യാത്രാനിരക്ക് കുറച്ചു. മിനിമം ചാര്‍ജ് ഏഴു രൂപയില്‍നിന്ന് ആറു രൂപയാക്കി. കൂടാതെ ഓര്‍ഡിനറിയുടെ എല്ലാ ടിക്കറ്റുകളിലും ഒരു രൂപ വീതം കുറയും. മാര്‍ച്ച് ഒന്നിനു കുറഞ്ഞ നിരക്ക് പ്രാബല്യത്തില്‍ വരും.
പെട്രോളിയം ഉത്പന്നങ്ങളുടെ വില കുറഞ്ഞ സാഹചര്യത്തില്‍ കെഎസ്ആര്‍ടിസി ബസുകളുടെ യാത്രാ നിരക്ക് കുറയ്ക്കുന്നതിന് ഇന്നലെ ചേര്‍ന്ന മന്ത്രിസഭായോഗമാണ് അനുമതി നല്‍കിയത്. ഇന്ധന വിലക്കുറവ് ജനങ്ങള്‍ക്കു കൂടി ലഭ്യമാക്കുന്നതിനായാണ് എല്ലാ ഓര്‍ഡിനറി ബസുകളിലും ടിക്കറ്റിന് ഒരു രൂപ വീതം കുറയ്ക്കുന്നതിന് തീരുമാനിച്ചതെന്ന് മുഖ്യമന്ത്രി ഉമ്മന്‍ ചാണ്ടി മന്ത്രിസഭായോഗ തീരുമാനങ്ങള്‍ വിശദീകരിച്ചുകൊണ്ടു പറഞ്ഞു.
ഇതേരീതിയില്‍ സ്വകാര്യ ബസുകളിലും കുറവ് വരുത്തണമെന്നാണു സര്‍ക്കാരിന്റെ തീരുമാനം. ഇക്കാര്യം ഗതാഗത മന്ത്രി തിരുവഞ്ചൂര്‍ രാധാകൃഷ്ണന്‍ സ്വകാര്യ ബസ് ഉടമകളുടെ പ്രതിനിധികളുമായി ചര്‍ച്ച ചെയ്യും.
ലോക മാര്‍ക്കറ്റില്‍ ക്രൂഡ് ഓയിലിന്റെ വിലകുത്തനെ ഇടിഞ്ഞുവെങ്കിലും അതിന്റെ ഗുണം പൂര്‍ണമായും ജനങ്ങള്‍ക്ക് ലഭിച്ചിട്ടില്ല. കിട്ടണം എന്നതാണ് സര്‍ക്കാരിന്റെ പൂര്‍ണമായ ആഗ്രഹം. ഇക്കാര്യം കേന്ദ്രസര്‍ക്കാരിന്റെ ശ്രദ്ധയില്‍പെടുത്തിയിട്ടുണ്ട്. കിട്ടിയ കുറവിന്റെ അടിസ്ഥാനത്തിലാണ് സര്‍ക്കാര്‍ ഈ തീരുമാനമെടുത്തത്. എന്നാല്‍ ഫാസ്റ്റ്, സൂപ്പര്‍ ഫാസ്റ്റ് തുടങ്ങിയ മറ്റു സര്‍വീസുകളില്‍ നിലവിലെ ടിക്കറ്റ് നിരക്ക് തുടരുമെന്നും മുഖ്യമന്ത്രി അറിയിച്ചു.
ശരാശരി 3,500 ബസുകളാണ് പ്രതിദിനം ഓര്‍ഡിനറി സര്‍വീസുകള്‍ നടത്തുന്നത്. ഒരു ദിവസം 22 ലക്ഷം യാത്രക്കാര്‍ക്ക് കുറഞ്ഞ ചാര്‍ജിന്റെ പ്രയോജനം ലഭിക്കുമെന്നാണു കണക്കാക്കുന്നതെന്നു ഗതാഗതമന്ത്രി തിരുവഞ്ചൂര്‍ രാധാകൃഷ്ണന്‍ അറിയിച്ചു. ഇതുവഴി കെഎസ്ആര്‍ടിസി ഒരു മാസം ആറു കോടി രൂപയുടെ ഇളവാണ് അനുവദിക്കുന്നത്. ഇതിലൂടെ പ്രതിവര്‍ഷം 72 കോടി രൂപയുടെ സൗജന്യം ജന ങ്ങള്‍ക്ക് ലഭിക്കും. സംസ്ഥാനത്തിന്റെ ചരിത്രത്തില്‍ ആദ്യമായാണ് ഇത്രയും വലിയ ആനുകൂല്യം ജനങ്ങള്‍ക്ക് നല്‍കുന്നതെന്നും മന്ത്രി അറിയിച്ചു.



Recent News
  മലബാര്‍ ഗോള്‍ഡ് ആന്റ് ഡയമണ്ട്‌സില്‍ ആന്റിക് ജ്വല്ലറി ഫെസ്റ്റിവല്‍ തുടങ്ങി

  വാഹനത്തിന്റെ മോഡല്‍ കണ്ടെത്താന്‍ മൊബൈല്‍ ആപ്പ്

  പുതുപുത്തന്‍ ഫീച്ചറുകളുമായി റോയല്‍ എന്‍ഫീല്‍ഡ് ബുള്ളറ്റ്

  എതിരാളികളില്ല ഇഷ്ട നമ്പർ സ്വന്തമാക്കി ലാലേട്ടൻ

  ഇന്‍ഫ്രാ റെഡ് വൈഫൈ, 100 മടങ്ങ് വേഗത

  പരിധിയില്ലാത്ത ഡേറ്റാ പ്ലാനുമായി ബി.എസ്.എന്‍.എല്‍

  ഭവന നിര്‍മാണത്തിന് പിഎഫില്‍ ഇളവ്!! 90 ശതമാനം പ്രൊവിഡന്റ് ഫണ്ടും പിന്‍വലിക്കാമെന്ന് കേന്ദ്രം

  ഇന്നോവ ക്രിസ്റ്റയ്ക്ക് പുതിയ വകഭേദം വരുന്നു

  സൽമാൻ ഖാൻ സ്​മാർട്ട്ഫോൺ നിർമാണത്തിലേക്ക്​​

  വരുന്നു ഫോക്സ് വാഗന്റെ പുതിയ കാർ, ഐഡി

  ഹോട്ടലുകള്‍ക്ക് ജി.എസ്.ടി അഞ്ചു ശതമാനം

  ഇന്ത്യയിൽ ഒന്നാം സ്ഥാനം വീണ്ടെടുക്കാൻ ഔഡി

  ടാറ്റാ ടിയാഗോ പുത്തന്‍ കാറുകളുടെ ഗ്രാന്റ് ഡെലിവറി ശ്രദ്ധേയമായി

  ബംഗളുരുവില്‍ സോഫ്ട്‌വെയര്‍ ലബോറട്ടറി തുറക്കുമെന്ന് ആപ്പിള്‍ സിഇഒ ടിം കുക്ക്‌

  കെ.വി.ആര്‍ ഗ്രൂപ്പിന് പ്ലാറ്റിനം ഡീലര്‍ പദവി




newspaper,kasaragod,malayalam,entedesam,utharadesam,Utharadesham,kerala,india,northern kerala,malabar,news,live news,kasaragodnews,manglore,P.V.Krishnan,North Malabar,epaper,online news,journalist,local news,kasargod,utharadesam,Kasaragod Press Club,cinema news,Bizpages,Cartoon,Post your news,Kasaragod writers,vartha,Kasaragod vartha,Malayalam Internet News