updated on:2016-02-16 02:06 PM
മൊബൈൽ വിപണി കീഴടക്കാൻ വൈബ് ടർബോ

www.utharadesam.com 2016-02-16 02:06 PM,
ചൈനയിലെ ബീജിംഗ് ആസ്ഥാനമാക്കി പ്രവർത്തിക്കുന്ന മൾട്ടി നാഷണൽ കംപ്യൂട്ടർ ടെക്നോളജി കമ്പനിയായ ലെനോവോ വൈബ് മൊബൈൽ ശ്രേണിയിലെ പുതിയ സ്മാർട്ട് ഫോൺ പുറത്തിറക്കി. ലെനൊവോ വൈബ് പി 1 ടർബോ എന്ന പുതിയ മോഡൽ ഇന്തോനേഷ്യയിലാണ് ലെനോവോ ആദ്യമായി വിപണിയിലെത്തിക്കുന്നത്. സിൽവർ, ഗ്രാഫൈറ്റ് ഗ്രേ, ഗോൾഡ്‌ എന്നീ നിറങ്ങളിലെത്തുന്ന ഫോൺ ഏകദേശം 20,000 രൂപയ്ക്ക് പ്രീ ഓർഡർ ചെയ്യാനും ഇന്തോനേഷ്യയിൽ ലെനോവോ അവസരമൊരുക്കിയിട്ടുണ്ട്.
പേഴ്സണൽ കംപ്യൂട്ടർ, ടാബ്ലറ്റ് പിസി, വർക്ക് സ്ടേഷനുകൾ, സെർവറുകൾ, ഇലക്ട്രോണിക് സ്റ്റോറേജ് ഡിവൈസുകൾ എന്നിവയുടെ നിർമ്മാതാക്കളും വിതരണക്കാരുമായ ലെനോവോ 2014ൽ ആ വർഷം ഏറ്റവും കൂടുതൽ കംപ്യൂട്ടറുകൾ വിറ്റ കമ്പനി എന്ന ഖ്യാതി നേടിയിരുന്നു. ഈ നേട്ടത്തിന് പിന്നാലെ മൊബൈൽ വിൽപ്പനയിലും നേട്ടമുണ്ടാക്കാനുള്ള ശ്രമത്തിലാണ് ലെനോവയിപ്പോൾ.
2 ജിബി റാം, 3 ജിബി റാം എന്നീ രണ്ടു വേരിയന്റുകളിൽ ലെനൊവോ വൈബ് പി 1 ടർബോ വിപണിയിലെത്തും. 13 അല്ലെങ്കിൽ 16 മെഗാപിക്സൽ ക്യാമറയുമായി എത്തുന്ന ഫോണിന് 4900 എംഎഎച്ച് ശേഷിയുള്ള കരുത്തുറ്റ ബാറ്ററിയാണുള്ളത്.
ഫിംഗർ പ്രിന്റ്‌ സെൻസർ പിടിപ്പിച്ചെത്തുന്ന ലെനോവോ വൈബ് P1 ടർബോ 1080 X 1920 പിക്സൽ റെസലൂഷൻ നൽകുന്ന 5.5 ഇഞ്ച് ഫുൾ എച്ച്ഡി ഡിസ്പ്ലേയോടെയാണെത്തുന്നത്. 1.5 ജിഗാഹെർട്സ് വേഗത നൽകുന്ന 64-ബിറ്റ് ഒക്ടാ കോർ ക്വാൾകോം സ്നാപ്ഡ്രാഗൺ 615 പ്രോസസറിൽ പ്രവർത്തിക്കുന്ന ഈ ഇരട്ട സിം സ്മാർട്ട്ഫോൺ ആൻഡ്രോയിഡ് 5.1 ലോലിപോപ്പ് ഓപ്പറേറ്റിങ് സിസ്റ്റത്തോടെയാണ് വിപണിയിലെത്തുക.



Recent News
  എച്ച്.ഡി.എഫ്.സി ഭവന വായ്പ പലിശ വര്‍ധിപ്പിച്ചു

  തകര്‍പ്പന്‍ ഓഫറുകള്‍ പ്രഖ്യാപിച്ച് ബി.എസ്.എന്‍.എല്‍

  മലബാര്‍ ഗോള്‍ഡില്‍ ആര്‍ട്ടിസ്ട്രി ഫെസ്റ്റിവല്‍ തുടങ്ങി

  സുല്‍ത്താനില്‍ വിശ്വവജ്ര എക്‌സിബിഷന്‍ തുടങ്ങി

  ഇന്‍ഫിനിറ്റി പോസ്റ്റ് പെയ്ഡ് പ്ലാന്‍ പുതുക്കി എയര്‍ടെല്‍

  സ്വര്‍ണ വിലയില്‍ നേരിയ കുറവ്

  പച്ചക്കറി വിഭവങ്ങള്‍ക്ക് പൊള്ളുന്ന വില

  ടൊയോട്ടയും സുസൂക്കിയും കൈകോര്‍ക്കുന്നു

  ഊബറും ഒലയും ഒന്നിക്കുന്നു

  സംസ്ഥാനത്ത് പെട്രോള്‍-ഡീസല്‍ വിലകളില്‍ വര്‍ധനവ്

  ഗ്രാമീണബാങ്ക് ജീവനക്കാര്‍ മൂന്ന് ദിവസത്തേക്ക് പണിമുടക്കുന്നു

  സ്വര്‍ണ വിലയില്‍ വര്‍ധനവ്

  സുല്‍ത്താനില്‍ ഡയമണ്ട് എക്‌സിബിഷന്‍

  കാറുകളുടെ വില ഉയര്‍ത്തുമെന്ന് ടാറ്റ

  ഫെയ്സ്ബുക് ഓഹരികളിൽ വൻ ഇടിവ്