updated on:2016-03-14 02:15 PM
ബാറ്ററിയിൽ ഓടുന്ന ആദ്യ ബസ് ഡൽഹിയിൽ

www.utharadesam.com 2016-03-14 02:15 PM,
രാജ്യതലസ്ഥാനത്ത് ബാറ്ററിയിൽ ഓടുന്ന ആദ്യ ബസ് സർവീസ് തുടങ്ങി. ഡൽഹി ഗതാഗത മന്ത്രി ഗോപാൽ റായിയാണു പൂർണമായും മലിനീകരണ വിമുക്തമായ ബസ് ഫ്ളാഗ് ഓഫ് ചെയ്തത്. പൂർണമായും വൈദ്യുതിയിൽ ഓടുന്നതും ഒട്ടും മലിനീകരണം സൃഷ്ടിക്കാത്തതുമായ ബസ് ആണു പരീക്ഷണാടിസ്ഥാനത്തിൽ സർവീസ് തുടങ്ങുന്നതെന്നു മന്ത്രി അറിയിച്ചു. അടുത്ത ആറു മാസം രാജ്യതലസ്ഥാനത്തെ വീഥികളിൽ പരീക്ഷണാടിസ്ഥാനത്തിൽ ഈ ബസ് സർവീസ് നടത്തുമെന്നും റായി അറിയിച്ചു.
പരീക്ഷണം വിജയിച്ചാൽ ഇത്തരത്തിൽപെട്ട കൂടുതൽ ബസ്സുകൾ സർവീസിന് ഇറക്കാനാണു ഡൽഹി സർക്കാരിന്റെ തീരുമാനം. വൈകാതെ 1,000 പുതിയ ബസ്സുകൾ വാങ്ങുന്ന ഘട്ടത്തിൽ ഇത്തരം ബസ്സുകൾക്കും പരിഗണന നൽകുമെന്നു റായി അറിയിച്ചു.
ഡൽഹി ഡയലോഗ് കമ്മിഷൻ(ഡി ഡി സി) ഉപാധ്യക്ഷൻ ആശിഷ് ഖേതാൻ കഴിഞ്ഞ വർഷം നടത്തിയ ചൈന സന്ദർശന വേളയിലാണു ഡൽഹിയിൽ വൈദ്യുത ബസ് സർവീസിനുള്ള സാധ്യത പഠിക്കാൻ തീരുമാനമായത്. ചൈന ആസ്ഥാനമായ ബി വൈ ഡി ഓട്ടോ ഇൻഡസ്ട്രി നിർമിച്ചു സ്മാർട് ഗ്രൂപ് ഇന്ത്യയിലേക്ക് ഇറക്കുമതി ചെയ്ത് ബസ് ആണ് ഇപ്പോൾ ഡൽഹിയിൽ പരീക്ഷണ ഓട്ടം ആരംഭിച്ചത്. പരീക്ഷണം വിജയമായാൽ ബി വൈ ഡി നിർമിച്ച, ബാറ്ററിയിൽ ഓടുന്ന 100 ബസ്സുകൾ നഗരത്തിൽ സർവീസിന് ഇറക്കാനാണു ഡി ഡി സിയുടെ പദ്ധതി.
പുതിയ ബസ്സിനായി ഡൽഹി സർക്കാർ പണമൊന്നും മുടക്കിയിട്ടില്ലെന്നു ഖേതാൻ വെളിപ്പെടുത്തി. അതേസമയം ബസ് പാർക്കിങ്, ചാർജിങ് പോയിന്റ് തുടങ്ങിയ അടിസ്ഥാന സൗകര്യങ്ങൾ ഡൽഹി ട്രാൻസ്പോർട് കോർപറേഷൻ(ഡി ടി സി) ആണുലഭ്യമാക്കുന്നത് . ബസ്സിലെ ബാറ്ററികൾ ചാർജ് ചെയ്യാൻ നാലു മണിക്കൂറാണു വേണ്ടത്. ഒരു തവണ പൂർണതോതിൽ ചാർജ് ചെയ്താൽ 280 കിലോമീറ്റർ താണ്ടാൻ ബസ്സിനു കഴിയും. കോർപറേഷന്റെ മിലേനിയം ഡിപ്പോ കേന്ദ്രീകരിച്ചു സർവീസ് നടത്തുന്ന ബസ്സിലെ ജീവനക്കാരുടെ ഡി ടി സിയിൽ നിന്നാണ്.
ഡൽഹി സെക്രട്ടേറിയറ്റിനെയും സെൻട്രൽ സെക്രട്ടേറിയറ്റിനെയും ബന്ധിപ്പിച്ചു രാവിലെ 6.30 മുതൽ രാത്രി 9.20 വരെയാണു ബാറ്ററിയിൽ നിന്ന് ഊർജം കണ്ടെത്തുന്ന ബസ്സിന്റെ സർവീസ്; മൊത്തം 10 ട്രിപ്പുകളുണ്ടാവും. ഹൈഡ്രോളിക് സസ്പൻഷനും എയർ കണ്ടീഷനിങ്ങുമൊക്കെയുള്ള ബസ്സിലെ കുറഞ്ഞ ടിക്കറ്റ് നിരക്ക് 10 രൂപയാണ്. 31 പേർക്കാണു ബസ്സിൽ യാത്രാ സൗകര്യം; പരമ്പരാഗത ലോ ഫ്ളോർ ബസ്സിനെ അപേക്ഷിച്ച് 10 സീറ്റ് കുറവാണിത്. അതുകൊണ്ടുതന്നെ ബസ്സിന്റെ പ്രവർത്തന ചെലവ് കിലോമീറ്ററിന് 12.06 രൂപയാവുമെന്നാണു കണക്കാക്കുന്നത്.



Recent News
  ഇരുട്ടടി : തുടര്‍ച്ചയായ പതിമൂന്നാം ദിവസവും സംസ്ഥാനത്ത് ഇന്ധനവില വര്‍ധന

  മലബാര്‍ ഗോള്‍ഡ് ഹണിമൂണ്‍ യാത്ര; ആദ്യ നറുക്കെടുപ്പ് നടത്തി

  ഇന്ധന വിലയില്‍ വീണ്ടും വര്‍ധനവ് ; പെട്രോളിന് 23 പൈസ കൂടി

  ഇന്ധന വിലയില്‍ മാറ്റമില്ലാതെ വിപണി മുന്നേറുന്നു

  സെന്‍സെക്‌സ് ; ഓഹരി സൂചികകളില്‍ നേട്ടത്തോടെ തുടക്കം

  ടിക്കറ്റ് നിരക്കില്‍ ഇളവ് പ്രഖ്യാപിച്ച ജെറ്റ് എയര്‍വേസ്

  പെട്രോള്‍ വില വീണ്ടും വര്‍ധിച്ചു; ഡീസല്‍ വില സര്‍വ്വകാല റെക്കോര്‍ഡില്‍

  എച്ച്.ഡി.എഫ്.സി ഭവന വായ്പ പലിശ വര്‍ധിപ്പിച്ചു

  തകര്‍പ്പന്‍ ഓഫറുകള്‍ പ്രഖ്യാപിച്ച് ബി.എസ്.എന്‍.എല്‍

  മലബാര്‍ ഗോള്‍ഡില്‍ ആര്‍ട്ടിസ്ട്രി ഫെസ്റ്റിവല്‍ തുടങ്ങി

  സുല്‍ത്താനില്‍ വിശ്വവജ്ര എക്‌സിബിഷന്‍ തുടങ്ങി

  ഇന്‍ഫിനിറ്റി പോസ്റ്റ് പെയ്ഡ് പ്ലാന്‍ പുതുക്കി എയര്‍ടെല്‍

  സ്വര്‍ണ വിലയില്‍ നേരിയ കുറവ്

  പച്ചക്കറി വിഭവങ്ങള്‍ക്ക് പൊള്ളുന്ന വില

  ടൊയോട്ടയും സുസൂക്കിയും കൈകോര്‍ക്കുന്നു