updated on:2016-03-15 02:06 PM
സോനം കപൂര്‍ കല്യാണ്‍ ജ്വല്ലേഴ്സിന്‍റെ ബ്രാന്‍ഡ് അംബാസിഡര്‍

www.utharadesam.com 2016-03-15 02:06 PM,
കൊച്ചി: ഇന്ത്യയിലെ വിശ്വാസ്യതയാര്‍ന്ന പ്രമുഖ ആഭരണ ബ്രാന്‍ഡായ കല്യാണ്‍ ജ്വല്ലേഴ്സ് പ്രമുഖ നടിയും സ്റ്റൈല്‍ ഐക്കണുമായ സോനം കപൂറിനെ ദേശീയ ബ്രാന്‍ഡ് അംബാസിഡറായി നിയമിച്ചു. ഇതിന്‍റെ ഭാഗമായി ഇപ്പോള്‍ ചിത്രീകരണം നടക്കുന്ന പുതിയ പരസ്യം ഈ മാസം അവസാനം ടെലിവിഷനുകളില്‍ പ്രത്യക്ഷപ്പെടും. ശക്തമായ മനസും ആത്മവിശ്വാസവും ധൈര്യവും നിറഞ്ഞുനില്‍ക്കുന്ന ഇന്നത്തെ വനിതയുടെ പ്രതിരൂപമാണ് സോനം എന്ന് കല്യാണ്‍ ജ്വല്ലേഴ്സ് ചെയര്‍മാനും മാനെജിംഗ് ഡയറക്റ്ററുമായ ടി.എസ്.കല്യാണരാമന്‍ പറഞ്ഞു.
കുറ്റമറ്റ വ്യക്തിഗത ശൈലിയിലൂടെ പരമ്പരാഗതമായ ഫാഷന്‍ സങ്കല്‍പ്പങ്ങളെ വെല്ലുവിളിക്കാനും സ്വന്തം വഴി വെട്ടിത്തുറക്കാനും സോനത്തിനു കഴിഞ്ഞു. സോനത്തിന്‍റെ ഫാഷന്‍ ശൈലിയും ഫാഷന്‍ അറിവും രാജ്യമെങ്ങും പ്രതിഫലിക്കുന്നുണ്ട്. ഇത് കല്യാണ്‍ ജ്വല്ലേഴ്സിന്‍റെ വളര്‍ച്ചയിലും ജനമനസുകളില്‍ ഈ ബ്രാന്‍ഡിനെ ഉറപ്പിക്കുന്നതിനും സാധിക്കുമെന്ന് അദ്ദേഹം പറഞ്ഞു.
ദേശീയ ബ്രാന്‍ഡ് എന്ന നിലയില്‍ സ്ഥാനം ഉറപ്പിച്ചുകഴിഞ്ഞ കല്യാണ്‍ ജ്വല്ലേഴ്സ് പ്രാദേശികമായ ഉത്പന്നങ്ങള്‍ വിറ്റഴിക്കുന്നതിനും വിതരണം വിപുലപ്പെടുത്തുന്നതിനും നവയുഗമാധ്യമങ്ങളിലൂടെ ഇതുവരെയും എത്തിച്ചേരാത്ത ഉപയോക്താക്കളില്‍ എത്തുന്നതിനുമാണ് ശ്രമിക്കുന്നതെന്ന് കല്യാണ്‍ ജ്വല്ലേഴ്സിന്‍റെ എക്സിക്യൂട്ടീവ് ഡയറക്റ്റര്‍ – ഫിനാന്‍സ്, രാജേഷ് കല്യാണരാമന്‍ പറഞ്ഞു. ബ്രാന്‍ഡ് അംബാസിഡര്‍ എന്ന നിലയില്‍ സോനം കപൂര്‍ കല്യാണിന്‍റെ വിലമതിക്കാത്ത ബ്രാന്‍ഡ് മൂല്യവും വിശ്വാസവും ഉയര്‍ത്തിപ്പിടിക്കുമെന്നാണ് കരുതുന്നതെന്ന് രാജേഷ് പറഞ്ഞു.
അമിതാഭ് ബച്ചന്‍, ജയ ബച്ചന്‍, നാഗാര്‍ജുന, പ്രഭു, ശിവരാജ് കുമാര്‍, മഞ്ജു വാര്യര്‍ എന്നിങ്ങനെ തിളക്കമുളള താരനിരയ്ക്കൊപ്പമാണ് സോനം കപൂര്‍ ബ്രാന്‍ഡ് അംബാസിഡറായി ചേരുന്നത്.
കമ്പനിയുടെ പ്രചാരണപരിപാടികള്‍ക്ക്, പ്രത്യേകിച്ച് വടക്ക്, പടിഞ്ഞാറന്‍ വിപണികളില്‍ സോനം കപൂര്‍ നേതൃത്വം നല്കും. കഴിഞ്ഞ മൂന്നു വര്‍ഷങ്ങളായി ബ്രാന്‍ഡ് കല്യാണിന് പ്രചാരം നല്‍കിയ ഐശ്വര്യ റായ് ബച്ചന് ആത്മാര്‍ത്ഥമായി നന്ദി പറയുകയാണെന്ന് കല്യാണ്‍ ജൂവലേഴ്സ് എക്സിക്യൂട്ടിവ് ഡയറക്റ്റര്‍ – മാര്‍ക്കറ്റിങ്ങ് ആന്‍ഡ് ഓപ്പറേഷന്‍സ് രമേഷ് കല്യാണരാമന്‍ പറഞ്ഞു. ദേശീയ ബ്രാന്‍ഡ് എന്ന നിലയില്‍ ഉയര്‍ന്നുവരാന്‍ ഇത് ഏറെ സഹായിച്ചു.
ഭാവിയില്‍ കല്യാണ്‍ ഉത്പന്നങ്ങളുടെ പ്രചാരണം ശക്തിപ്പെടുത്തുന്നതിന് സോനം കപൂറിന്‍റെ സ്റ്റൈല്‍ ഐക്കണ്‍ എന്ന സ്ഥാനവും ജനപ്രിയതയും സഹായിക്കുമെന്നും ഇതിനായി സോനം കപൂറിനെ സ്വാഗതം ചെയ്യുകയാണെന്നും അദ്ദേഹം പറഞ്ഞു.
ദക്ഷിണേന്ത്യ, മഹാരാഷ്ട്ര, ഗുജറാത്ത്, ദേശീയ തലസ്ഥാന മേഖല (എന്‍സിആര്‍), പഞ്ചാബ്, ഒഡീഷ എന്നിവിടങ്ങളിലെ സാന്നിധ്യവുമായി കല്യാണ്‍ ജ്വല്ലേഴ്സ് ശക്തമായ ദേശീയസാന്നിധ്യമായി മാറിയിരിക്കുകയാണ്. ഇന്ത്യയിലും പടിഞ്ഞാറന്‍ ഏഷ്യയിലുമായി കമ്പനിക്ക് 87 എക്സ്ക്ലൂസീവ് ഷോറൂമുകളാണുളളത്.



Recent News
  ഇന്ധന വിലയില്‍ വീണ്ടും വര്‍ധനവ് ; പെട്രോളിന് 23 പൈസ കൂടി

  ഇന്ധന വിലയില്‍ മാറ്റമില്ലാതെ വിപണി മുന്നേറുന്നു

  സെന്‍സെക്‌സ് ; ഓഹരി സൂചികകളില്‍ നേട്ടത്തോടെ തുടക്കം

  ടിക്കറ്റ് നിരക്കില്‍ ഇളവ് പ്രഖ്യാപിച്ച ജെറ്റ് എയര്‍വേസ്

  പെട്രോള്‍ വില വീണ്ടും വര്‍ധിച്ചു; ഡീസല്‍ വില സര്‍വ്വകാല റെക്കോര്‍ഡില്‍

  എച്ച്.ഡി.എഫ്.സി ഭവന വായ്പ പലിശ വര്‍ധിപ്പിച്ചു

  തകര്‍പ്പന്‍ ഓഫറുകള്‍ പ്രഖ്യാപിച്ച് ബി.എസ്.എന്‍.എല്‍

  മലബാര്‍ ഗോള്‍ഡില്‍ ആര്‍ട്ടിസ്ട്രി ഫെസ്റ്റിവല്‍ തുടങ്ങി

  സുല്‍ത്താനില്‍ വിശ്വവജ്ര എക്‌സിബിഷന്‍ തുടങ്ങി

  ഇന്‍ഫിനിറ്റി പോസ്റ്റ് പെയ്ഡ് പ്ലാന്‍ പുതുക്കി എയര്‍ടെല്‍

  സ്വര്‍ണ വിലയില്‍ നേരിയ കുറവ്

  പച്ചക്കറി വിഭവങ്ങള്‍ക്ക് പൊള്ളുന്ന വില

  ടൊയോട്ടയും സുസൂക്കിയും കൈകോര്‍ക്കുന്നു

  ഊബറും ഒലയും ഒന്നിക്കുന്നു

  സംസ്ഥാനത്ത് പെട്രോള്‍-ഡീസല്‍ വിലകളില്‍ വര്‍ധനവ്