updated on:2016-03-18 02:13 PM
3,799 രൂപയ്ക്ക് ആൻഡ്രോയ്ഡ് 3ജി ഫോൺ

www.utharadesam.com 2016-03-18 02:13 PM,
പുതിയ ബജറ്റ് 3 ജി ആൻഡ്രോയ്ഡ് ഫോണുമായി ലാവയെത്തി. ഐറിസ് ഫ്യുവൽ എഫ് 2 എന്ന സ്മാർട് ഫോൺ 4,444 രൂപയ്ക്ക് ഈ മാസമാദ്യം പുറത്തിറക്കിയ ലാവ ഇതിന് പിന്നാലെയാണ് 4,349 രൂപയ്ക്ക് ലാവ ഫ്ലെയർ എസ് 1 എന്ന മോഡലുമായി എത്തിയിരിക്കുന്നത്. ലാവയുടെ പോർട്ടലിലെ വിലയിൽ നിന്ന് വ്യത്യസ്തമായി 3,799 രൂപയ്ക്കാണ് ആമസോൺ, സ്നാപ്ഡീൽ, ഇ-ബേ എന്നീ ഇ- കോമേഴ്സ് പോർട്ടലുകളിൽ ലാവ ഫ്ലെയർ എസ് 1 ലിസ്റ്റ് ചെയ്തിട്ടുള്ളത്.
ഇന്ത്യയിൽ നിന്നുള്ള സ്മാർട് ഫോൺ നിർമ്മാതാക്കളായ ലാവ അവതരിപ്പിച്ച വില കുറഞ്ഞ ഈ ആൻഡ്രോയ്ഡ് ഫോൺ മനോഹരമായ മെറ്റാലിക് ഫിനിഷോടു കൂടിയ പുറം കവറുമായാണെത്തുന്നത്. 480 x 854 പിക്സൽ റെസലൂഷൻ നൽകുന്ന 4.5 ഇഞ്ച് ഡിസ്പ്ലേയോടെയെത്തുന്ന ഫോൺ ആൻഡ്രോയ്ഡ് 5.1 ലോലിപോപ്പ് ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്.
ഇരട്ട സിം സപ്പോർട്ടോട് കൂടിയ ലാവ ഫ്ലെയർ എസ് 1 സ്മാർട്ട്ഫോണിന് 1.3 ജിഗാഹെട്സ് വേഗത നൽകുന്ന ഡ്യുവൽ കോർ പ്രോസസറാണ് കരുത്ത് പകരുന്നത്. 512 എംബി റാം, 8 ജിബി ആന്തരിക സംഭരണശേഷി എന്നീ പ്രത്യേകതകളോടു കൂടിയ ഫോണിന് മൈക്രോ എസ്.ഡി കാർഡ് ഉപയോഗിച്ച് സംഭരണ ശേഷി 32 ജിബി വരെ വികസിപ്പിക്കാൻ കഴിയും.
135.00 X 67.00x 9.05 എം.എം വലിപ്പമുള്ള ഫോണിന് 3.2 മെഗാപിക്സൽ വ്യക്തത നൽകുന്നതും എൽ.ഇ.ഡി ഫ്ലാഷോടും കൂടിയ ആട്ടോ ഫോക്കസ് പിൻ കാമറയാണുള്ളത്. 0.3 മെഗാപിക്സൽ സെൽഫി ഷൂട്ടറുള്ള കാമറയിൽ 1750 എം.എ. എച്ച് ശേഷിയുള്ള ബാറ്ററിയാണ് ഉപയോഗിച്ചിരിക്കുന്നത്. ഈ ബാറ്ററിയിൽ 13 മണിക്കൂർ വരെ 2ജി സംസാര സമയവും 9 മണിക്കൂർ വരെ 3ജി സംസാര സമയവുമാണ് കമ്പനി വാഗ്ദാനം ചെയ്യുന്നത്. യുഎസ്ബി ഒറ്റിജി സപ്പോർട്ട് ചെയ്യുന്ന ലാവ ഫ്ലെയർ എസ് 1 ന്റെ ആദ്യ സിമ്മിൽ 3ജി ലഭ്യമാണ്. 143 ഗ്രാം ഭാരമുള്ള ഫോൺ കറുപ്പ് , ഷാംപെയ്ൻ ഗോൾഡ് എന്നീ നിറങ്ങളിൽ ലഭ്യമാണ്.



Recent News
  കല്യാണ്‍ സില്‍ക്‌സിന്റെ സെയില്‍

  മറിയാസ് നവീകരിച്ച ഷോറൂം ഉദ്ഘാടനം ചെയ്തു

  ഖത്തറില്‍ പതഞ്ജലി ഉല്‍പ്പന്നങ്ങള്‍ക്ക് നിരോധനം

  എസ്‌ 60ന്റെ പുതിയ മോഡല്‍ വോള്‍വോ ഇന്ത്യന്‍ വിപണിയില്‍

  സ്വര്‍ണവില മുന്നേറുന്നു

  മാറ്റങ്ങള്‍ വരുത്തി ജിഎസ്ടി കൗണ്‍സില്‍

  നാലപ്പാട് യു.കെ. മാള്‍ നിര്‍മ്മാണം അന്തിമഘട്ടത്തിലേക്ക്; കടകളുടെ ബുക്കിംഗ് 22ന് തുടങ്ങും

  സ്വര്‍ണവിലയില്‍ വര്‍ധനവ് ; പവന് 22,200 രുപ

  അമ്പരപ്പിക്കുന്ന ലുക്കില്‍ ടിവിഎസ് വിക്ടര്‍

  മികച്ച ഓഫറുമായി വൊഡാഫോണ്‍

  799 രൂപയ്ക്ക് പ്രതിദിനം 3.5 ജിബി: ഓഫറുകള്‍ പരിഷ്കരിച്ച് ഭാരതി എയര്‍ടെല്‍

  ന്യൂ ഇയര്‍ - ആമസോണിലും ഫ്ലിപ്പ്കാര്‍ട്ടിലും 80 ശതമാനം വരെ വിലക്കുറവ്

  റിലയന്‍സ് ജിയോയില്‍ കിടിലന്‍ ഓഫര്‍

  പ്രീമിയം ഹാച്ച്ബാക്ക് നിരയിലേക്ക് നിസാന്റെ നോട്ട് ഇ-പവര്‍

  ലൈസന്‍സ് റദ്ദാക്കി ; എയര്‍ടെല്ലിനും പേയ് മെന്‍റ് ബാങ്കിനും കിട്ടിയത് കിടിലന്‍ പണി