updated on:2016-03-19 01:41 PM
ബിഎസ്എന്‍എല്‍ ലാന്‍ഡ് ലൈന്‍ ഇനി മൊബൈല്‍ ഫോണിലും

www.utharadesam.com 2016-03-19 01:41 PM,
ന്യൂഡല്‍ഹി: ലാന്‍ഡ്‌ഫോണിനെ മൊബൈല്‍ ഫോണില്‍ കൊണ്ടുനടക്കാവുന്ന ആപ്ലിക്കേഷനുമായി ബിഎസ്എന്‍എല്‍. ഫിക്‌സഡ് മൊബൈല്‍ ടെലിഫോണി സര്‍വീസ് ആപ്പ് ഡല്‍ഹിയില്‍ നടന്ന ചടങ്ങില്‍ ബിഎസ്എന്‍എല്‍ സിഎംഡി അനുപം ശ്രീവാസ്തവ പുറത്തിറക്കി. ഏപ്രില്‍ രണ്ടു മുതല്‍ ആപ്പ് ഉപയോഗിക്കാനാകുമെന്ന് ബിഎസ്എന്‍എല്‍ അധികൃതര്‍ അറിയിച്ചു.
ഈ സൗകര്യം ഉപയോഗിക്കുന്നതിനു മാസവാടക പോലെ നിശ്ചിത നിരക്ക് ഉണെ്ടങ്കിലും കോള്‍നിരക്കുകളെ അതു ബാധിക്കില്ല. ഈ സംവിധാനത്തിലൂടെ ലോക്കല്‍ കോള്‍ നിരക്കില്‍ ലോകത്തിന്റെ ഏതു ഭാഗത്തിരുന്നും ഐഎസ്ഡി കോള്‍ ചെയ്യാനാകും. ഫിക്‌സഡ് മൊബൈല്‍ ടെലിഫോണി സര്‍വീസ് ഉള്ള ലാന്‍ഡ് ഫോണ്‍ കണക്ഷന്‍ എടുക്കുന്ന ആര്‍ക്കും പുതിയ സേവനം ഉപയോഗിക്കാം. ലാന്‍ഡ്‌ഫോണ്‍ നമ്പര്‍ ഉപയോക്താവിന്റെ വിലാസമാക്കി മാറ്റി ഇന്റര്‍നെറ്റ് മുഖേനയാണു സേവനം ലഭിക്കുക. ലാന്‍ഡ്‌ഫോണ്‍ വീട്ടിലാണെങ്കിലും ഒരു വെര്‍ച്വല്‍ ലാന്‍ഡ്‌ഫോണ്‍ നമ്മുടെ മൊബൈല്‍ ഫോണില്‍ ഉണെ്ടന്നതാണു പ്രത്യേകത. നമ്മള്‍ പുറത്തുപോയാലും ലാന്‍ഡ് ഫോണിലേക്കു വരുന്ന കോളുകള്‍ മൊബൈലിലേക്കു വരും. മൊബൈല്‍ ഫോണില്‍ ഡാറ്റാ നെറ്റ്‌വര്‍ക്കിന്റെയോ വൈഫൈയുടെയോ കണക്ഷന്‍ ഉണ്ടായിരിക്കണം.
ലാന്‍ഡ് ലൈന്‍ വഴി എസ്എംഎസ് അയയ്ക്കാനും സ്വീകരിക്കാനും കഴിയുന്ന സംവിധാനവും വൈകാതെ ഏര്‍പ്പെടുത്തും. ലാന്‍ഡ് ലൈനുകളില്‍ പ്രീപെയ്ഡ് സംവിധാനവും ഇതോടൊപ്പം നിലവില്‍ വന്നിട്ടുണ്ട്. അടുത്ത സാമ്പത്തിക വര്‍ഷത്തിനുള്ളില്‍ രാജ്യത്ത് 21,000 മൊബൈല്‍ ടവറുകള്‍കൂടി നിലവില്‍വരുമെന്നും 27,000 ടെലിഫോണ്‍ എക്‌സ്‌ചേഞ്ചുകളില്‍കൂടി പുതിയ സാങ്കേതികവിദ്യ ഏര്‍പ്പെടുത്തുമെന്നും ശ്രീവാസ്തവ അറിയിച്ചു.



Recent News
  കല്യാണ്‍ സില്‍ക്‌സിന്റെ സെയില്‍

  മറിയാസ് നവീകരിച്ച ഷോറൂം ഉദ്ഘാടനം ചെയ്തു

  ഖത്തറില്‍ പതഞ്ജലി ഉല്‍പ്പന്നങ്ങള്‍ക്ക് നിരോധനം

  എസ്‌ 60ന്റെ പുതിയ മോഡല്‍ വോള്‍വോ ഇന്ത്യന്‍ വിപണിയില്‍

  സ്വര്‍ണവില മുന്നേറുന്നു

  മാറ്റങ്ങള്‍ വരുത്തി ജിഎസ്ടി കൗണ്‍സില്‍

  നാലപ്പാട് യു.കെ. മാള്‍ നിര്‍മ്മാണം അന്തിമഘട്ടത്തിലേക്ക്; കടകളുടെ ബുക്കിംഗ് 22ന് തുടങ്ങും

  സ്വര്‍ണവിലയില്‍ വര്‍ധനവ് ; പവന് 22,200 രുപ

  അമ്പരപ്പിക്കുന്ന ലുക്കില്‍ ടിവിഎസ് വിക്ടര്‍

  മികച്ച ഓഫറുമായി വൊഡാഫോണ്‍

  799 രൂപയ്ക്ക് പ്രതിദിനം 3.5 ജിബി: ഓഫറുകള്‍ പരിഷ്കരിച്ച് ഭാരതി എയര്‍ടെല്‍

  ന്യൂ ഇയര്‍ - ആമസോണിലും ഫ്ലിപ്പ്കാര്‍ട്ടിലും 80 ശതമാനം വരെ വിലക്കുറവ്

  റിലയന്‍സ് ജിയോയില്‍ കിടിലന്‍ ഓഫര്‍

  പ്രീമിയം ഹാച്ച്ബാക്ക് നിരയിലേക്ക് നിസാന്റെ നോട്ട് ഇ-പവര്‍

  ലൈസന്‍സ് റദ്ദാക്കി ; എയര്‍ടെല്ലിനും പേയ് മെന്‍റ് ബാങ്കിനും കിട്ടിയത് കിടിലന്‍ പണി