updated on:2016-03-04 06:26 PM
എട്ട് വര്‍ഷം മുമ്പ് കണ്ണില്‍ പതിഞ്ഞ ദുരിതക്കാഴ്ചയാണ് അമീബയിലേക്കെത്തിച്ചത് -മനോജ് കാന

www.utharadesam.com 2016-03-04 06:26 PM,
കാസര്‍കോട്: എട്ട് വര്‍ഷക്കാലത്തെ പഴക്കമുണ്ട് അമീബ എന്ന സിനിമയുടെ കാമ്പിന്. വര്‍ഷങ്ങള്‍ക്ക് മുമ്പുള്ള വി.എസിന്റെ എന്‍ഡോസള്‍ഫാന്‍ ഭൂമി സന്ദര്‍ശന വേളയില്‍ പടങ്ങള്‍ ഒപ്പിയെടുക്കാന്‍ വന്ന ദിവസം കണ്ണില്‍ തടഞ്ഞ കാഴ്ചയാണ് അമീബ എന്ന സിനിമയിലേക്കെത്തിച്ചത്. ഒപ്പം ബംഗളൂരു പോലുള്ള വന്‍ നഗരങ്ങളിലെ ഐ.ടി കമ്പനികള്‍ ഉപയോഗിച്ച് തള്ളുന്ന യുവത്വവും കഥക്ക് പ്രമേയമായി- അമീബയുടെ സംവിധായകനായ മനോജ് കാന പറയുന്നു. കാസര്‍കോട് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
കഴിഞ്ഞയാഴ്ച കാസര്‍കോട് മെഹബൂബിലും കന്യക തിയേറ്ററിലും ഷോ തുടങ്ങിയ അമീബക്ക് കോഴിക്കോടും തിരുവനന്തപുരത്തും തൃശ്ശൂരുമെല്ലാം നല്ല പ്രതികരണമാണ് ലഭിച്ചത്. ഭൂമിയില്‍ തൊടാതെ നടക്കുന്ന നടീനടന്‍മാരും, മറ്റ് സിനിമാപ്രവര്‍ത്തകരും അടക്കിവാഴുന്ന ഇന്റസ്ട്രിയില്‍ ജോണ്‍ എബ്രഹാം നിലനിര്‍ത്തിയത് പോലുള്ള സാംസ്‌കാരിക സമന്വയമായ ലൊക്കേഷനുകളും ഷൂട്ടിംഗ് ദിനങ്ങളുമാണ് താന്‍ ആഗ്രഹിച്ചതെന്നും തികച്ചും നാടന്‍ പശ്ചാത്തലത്തില്‍ നാട്ടുകാരുടെ സഹകരണത്തില്‍ നടത്തിയ ഷൂട്ടിംഗും കൂട്ടായ്മയുമാണ് അമീബയെ മികച്ച രണ്ടാമത്തെ ചിത്രമാക്കിയതെന്നും മനോജ് പറഞ്ഞു.
എന്‍ഡോസള്‍ഫാന്‍ ഇരകളില്‍ പലരും ബുദ്ധിമാന്ദ്യം സംഭവിച്ചവരായതിനാല്‍ തന്നെ അനുവാദം കൂടാതെ കഥാപാത്രത്തെ പകര്‍ത്താന്‍ മനസ്സില്ലാത്തതിനാലാണ് മറ്റ് പല കാരണങ്ങളാലും വൈകല്യമനുഭവിക്കുന്ന നീലേശ്വരത്തെ സിന്ധുവും വൈശാഖ് ഏറ്റുകുടുക്കയും അമീബയില്‍ ഇരകളെ അവതരിപ്പിച്ചത്. 60 ലക്ഷം ബജറ്റില്‍ നിര്‍മ്മിച്ച പടത്തിന്റെ ഷൂട്ടിംഗ് 3 സെക്ഷനുകളായി 35 ദിവസം കൊണ്ടാണ് അവസാനിച്ചത്. കാസര്‍കോടന്‍ ഗ്രാമങ്ങളിലെ സങ്കരഭാഷയിലുള്ള സംസാരം പ്രേക്ഷകനെ കുഴപ്പിക്കാതിക്കാന്‍ പയ്യന്നൂരിലെ പ്രാദേശികഭാഷയാണ് സിനിമയില്‍ ഉപയോഗിച്ചത്.



Recent News
  മമ്മൂട്ടി നായകനായെത്തുന്ന മാമാങ്കത്തിന്റെ രണ്ടാം ഷെഡ്യൂള്‍ കൊച്ചിയില്‍ ആരംഭിച്ചു

  ലാലേട്ടനെ പ്രശംസിച്ച് നീരാളിയുടെ സ്റ്റണ്ട് മാസ്റ്റര്‍

  നല്ല കഥാപാത്രങ്ങള്‍ ലഭിച്ചാല്‍ ഇനിയും അഭിനയിക്കുമെന്ന് നടി ഭാവന

  പിആര്‍ വര്‍ക്ക് ഇല്ലാതെ പോപ്പുലാരിറ്റി കിട്ടുന്നത് ട്രോളുകളിലൂടെ

  മമ്മൂട്ടിയും, അരവിന്ദ് സ്വാമിയും വീണ്ടും ഒന്നിക്കുന്നു

  ചാണക്യ തന്ത്രത്തിന്റെ റിലീസ് മാറ്റി

  അവതാറിന്റെ രണ്ടാം ഭാഗം ഒരുക്കുമെന്ന് സംവിധായകന്‍

  പ്രചോദനമുള്‍ക്കൊണ്ട് മമ്മൂട്ടിയുടെ പരോള്‍..

  മറഡോണ മെയില്‍ വരും

  ഒരു യുവതാരം കൂടി വിവാഹിതനായി

  ചെങ്കല്‍ ചൂളയില്‍ ആക്രമണം നടത്തി മുങ്ങിയ കാസര്‍കോട്ടെ യുവാവ് ആര്?

  തനിക്ക് വര്‍ണവിവേചനം നേരിടേണ്ടി വന്നുവെന്ന് താരം

  മോഹൻലാൽ വീണ്ടും പാട്ട് പാടുന്നു

  പ്രേക്ഷകരെ ഞെട്ടിച്ച് ദിലീപ്!!

  മാധുരി ദീക്ഷിത്തിന്റെ മറാത്തി ചിത്രം ബക്കറ്റ് ലിസ്റ്റിന്റെ ടീസര്‍ പുറത്തിറങ്ങി.