updated on:2016-03-13 08:51 AM
ജയസൂര്യക്കും പൃഥ്വിരാജിനും മികച്ച നടനുള്ള പ്രൊഡ്യുസേഴ്‌സ് അസോസിയേഷന്റെ പുരസ്‌കാരം

www.utharadesam.com 2016-03-13 08:51 AM,
തിരുവനന്തപുരം: 2015ലെ കേരള ഫിലിം പ്രൊഡ്യുസേഴ്‌സ് അസോസിയേഷന്റെ പുരസ്‌കാരങ്ങള്‍ പ്രഖ്യാപിച്ചു. മികച്ച നടനായി പൃഥിരാജും('എന്നു നിന്റെ മൊയ്തീന്‍, ഇവിടെ) ജയസൂര്യയും(സു സു സുധി വാത്മീകം) എന്നിവര്‍ പങ്കിട്ടു. മികച്ച നടിയായി പാര്‍വതി തിരഞ്ഞെടുക്കപ്പെട്ടു. 'ചാര്‍ലി', 'എന്നു നിന്റെ മൊയ്തീന്‍' എന്നീ ചിത്രങ്ങളിലെ പ്രകടനത്തിലൂടെയാണു പാര്‍വതി മികച്ച നടിയായത്. ആര്‍.എസ്. വിമല്‍ സംവിധാനം ചെയ്ത എന്നു നിന്റെ മൊയ്തീന്‍ ആണ് മികച്ച സിനിമ. ഒറ്റാലിലൂടെ മികച്ച സംവിധായകനുള്ള പുരസ്‌കാരം ജയരാജിനെ തേടിയെത്തി.
'നിര്‍ണായക'ത്തിലെ അഭിനയത്തിനു പ്രേംപ്രകാശും ഉറുമ്പുകള്‍ ഉറങ്ങാറില്ല,എന്നു നിന്റെ മൊയ്തീന്‍ എന്നീ ചിത്രങ്ങളിലെ അഭിനയത്തിനു സുധീര്‍ കരമനയും മികച്ച സ്വഭാവ നടനുള്ള പുരസ്‌കാരം പങ്കുവച്ചു. ലെന(എന്നു നിന്റെ മൊയ്തീന്‍,അലിഫ്) ആണ് മികച്ച സ്വഭാവ നടി. കുമരകം വാസുദേവന്‍,മാസ്റ്റര്‍ അശാന്ത് ഷാ (ഒറ്റാല്‍) എന്നിവര്‍ പുതുമുഖ നടനുള്ള പുരസ്‌കാരം പങ്കിട്ടു. പാര്‍വതി രതീഷ് (മധുരനാരങ്ങ) ആണ് പുതുമുഖ നടി. 'ചാര്‍ലി', 'എന്നു നിന്റെ മൊയ്തീന്‍', 'നീന' എന്നീ സിനിമകള്‍ക്കായി കാമറ ചലിപ്പിച്ച ജോമോന്‍ ടി. ജോണാണു മികച്ച ഛായാഗ്രാഹകന്‍.
'ചാര്‍ലി'ക്കു തിരക്കഥയൊരുക്കിയ ആര്‍. ഉണ്ണിയും മാര്‍ട്ടിന്‍ പ്രക്കാട്ടും തിരക്കഥയ്ക്കുള്ള പുരസ്‌കാരം പങ്കുവച്ചു. പ്രേമം സിനിമയിലെ ഗാനങ്ങള്‍ക്ക് സംഗീതം നല്‍കിയ രാജേഷ് മുരുകേശനാണു മികച്ച സംഗീത സംവിധായകന്‍. പ്രേമത്തിലെ മലരേ എന്ന ഗാനം ആലപിച്ച വിജയ് യേശുദാസാണ് മികച്ച ഗായകന്‍. മധുശ്രീ നാരായണ്‍ ആണ് മികച്ച ഗായിക. അലിഫ് എന്ന ചിത്രത്തിലെ പനിമതി തന്‍ കബറിടത്തില്‍ എന്ന ഗാനമാണ് മധുശ്രീയെ അവാര്‍ഡിനര്‍ഹയാക്കിയത്. എന്നു നിന്റെ മൊയ്തീനിലൂടെ നവാഗത സംവിധായകനുള്ള പുരസ്‌കാരവും ആര്‍.എസ്.വിമലിനെ തേടിയെത്തി.
മറ്റു പുരസ്‌കാരങ്ങള്‍: എഡിറ്റര്‍-അല്‍ഫോന്‍സ് പുത്രന്‍ (പ്രേമം), കലാസംവിധാനം-ഗോകുല്‍ ദാസ് (എന്നു നിന്റെ മൊയ്തീന്‍), മികച്ച നിര്‍മാതാവ്- എന്നു നിന്റെ മൊയ്തീന്റെ നിര്‍മാതാക്കളായ ബിനോയ് ശങ്ക്രാന്ത്,സുരേഷ് രാജ്, മേക്കപ്പ്-രഞ്ജിത് അമ്പാടി(മൊയ്തീന്‍) വസ്ത്രാലങ്കാരം- സമീറ സനീഷ് (ചാര്‍ലി,നീന).
പുരസ്‌കാരങ്ങള്‍ ഏപ്രില്‍ 13ന് അങ്കമാലി അറ്റ്‌ലസ് കണ്‍വെന്‍ഷന്‍ സെന്ററില്‍ വിതരണം ചെയ്യുമെന്നു ജൂറി ചെയര്‍മാനും സംവിധായകനുമായ ഭദ്രന്‍, കേരള ഫിലിം പ്രൊഡ്യുസേഴ്‌സ് അസോസിയേഷന്‍ പ്രസിഡന്റ് ജി.സുരേഷ്‌കുമാര്‍, ജനറല്‍ സെക്രട്ടറി എം.രഞ്ജിത്ത് എന്നിവര്‍ അറിയിച്ചു. മികച്ച ചിത്രം, സംവിധായകന്‍, നടന്‍, നടി എന്നിവര്‍ക്കുള്ള അവാര്‍ഡ് ഒരു ലക്ഷം രൂപ വീതവും മറ്റ് അവാര്‍ഡുകള്‍ 50,000 രൂപ വീതവുമാണ്.



Recent News
  മോഹന്‍ലാലിനെയും ആന്റണി പെരുമ്പാവൂരിനെയും പരിഹസിച്ച് എന്‍ എസ് മാധവന്‍

  സരയു വിവാഹിതയായി

  നടന്‍ പ്രേംകുമാറിന്റെ കാര്‍ അപകടത്തില്‍പ്പെട്ടു

  അജുവിന് വീണ്ടും ഇരട്ടക്കുട്ടികള്‍

  ദുല്‍ക്കറിന്റെ നായിക ഇനി മമ്മൂട്ടിക്കൊപ്പം

  എല്ലാ വിവാഹമോചനങ്ങളും പോലെ അല്ലായിരുന്നു ഞങ്ങളുടേത്; ലിസി വെളിപ്പെടുത്തുന്നു

  ജീവിതത്തില്‍ എന്തുണ്ടെങ്കിലും ജനങ്ങളോട് പറയും; മനസ്സ് തുറന്ന് ദിലീപും കാവ്യയും

  വിവാഹമോചനം; അമലയെ കുറ്റപ്പെടുത്തി സിനിമാലോകം

  റെക്കോര്‍ഡ് തകര്‍ത്ത് കബാലി

  കബാലി നാളെ; കാസര്‍കോട്ടും ആവേശം

  വിദ്യ ബാലന്‍ തെലുങ്കിലേക്ക്

  സംസ്‌കൃത നാടകത്തില്‍ ശകുന്തളയായി മഞ്ജുവാര്യര്‍

  പ്രീതി സിന്‍റ തിരിച്ചുവരുന്നു

  ബ്രഹ്മാണ്ഡ ചിത്രം കർണന്റെ തിരക്കഥ പൂർത്തിയായി

  അടൂരിന്റെ സിനിമയിൽ ദിലീപും കാവ്യയും




newspaper,kasaragod,malayalam,entedesam,utharadesam,Utharadesham,kerala,india,northern kerala,malabar,news,live news,kasaragodnews,manglore,P.V.Krishnan,North Malabar,epaper,online news,journalist,local news,kasargod,utharadesam,Kasaragod Press Club,cinema news,Bizpages,Cartoon,Post your news,Kasaragod writers,vartha,Kasaragod vartha,Malayalam Internet News