updated on:2016-03-26 08:12 PM
ബ്രഹ്മാണ്ഡ ചിത്രം കർണന്റെ തിരക്കഥ പൂർത്തിയായി

www.utharadesam.com 2016-03-26 08:12 PM,
എന്നു നിന്റെ മൊയ്തീനു ശേഷം ആർ എസ് വിമൽ സംവിധാനം ചെയ്യുന്ന ബ്രഹ്മാണ്ഡ ചിത്രം കർണന്റെ തിരക്കഥ പൂർത്തിയായി. മഹാഭാരത കഥയെ അടിസ്ഥാനമാക്കിയൊരുക്കുന്ന ചിത്രമാണ് കർണൻ. പൃഥ്വിരാജിനെ നായകനാക്കി ചെയ്യുന്ന ചിത്രത്തിൽ വൻ താര നിര അണിനിരക്കും. നാൽപത്തിയഞ്ച് കോടി മുതൽ മുടക്കിൽ ഒരുക്കുന്ന ചിത്രം വേണു കുന്നപ്പള്ളിയാണ് നിർമിക്കുന്നത്.
കർണ വേഷത്തിൽ പൃഥ്വിരാജ് നിൽക്കുന്ന കവർ‌ ചിത്രത്തോടെയുള്ള പുസ്തകം പോസ്റ്റ് ചെയ്തുകൊണ്ട് തിരക്കഥാ രചന പൂർത്തിയായെന്ന് ആർ എസ് വിമൽ ഫേസ്ബുക്കിലൂടെയാണ് വെളിപ്പെടുത്തിയത്. ചിത്രത്തിന്റെ മറ്റു വിവരങ്ങൾ ഇതുവരെയും പുറത്തുവന്നിട്ടില്ല. ചിത്രത്തിൽ പൃഥ്വി കേന്ദ്ര കഥാപാത്രത്തെ അവതരിപ്പിക്കുന്നുവെന്ന വാർത്ത മാത്രമാണ് സ്ഥിരീകരിച്ചിട്ടുള്ളത്. ഗംഗ, ഹരിദ്വാർ എന്നിവിടങ്ങളിലായിരിക്കും സിനിമ ചിത്രീകരിക്കുകയെന്നാണ് സൂചന.
കർണന്റെ വീരചരിതം മാത്രമല്ല, അദ്ദേഹത്തിന്റെ വ്യക്തിത്വത്തെയും ആന്തരിക സംഘർഷങ്ങളെയുമെല്ലാം വേറൊരു തലത്തിൽ നോക്കിക്കാണുന്ന ചിത്രമാണ് കർണനെന്ന് നേരത്തെ ഒരു അഭിമുഖത്തിൽ പൃഥ്വിരാജ് പറഞ്ഞിരുന്നു. ബൃഹത്തായ കഥയെ മണിക്കൂറുകൾ മാത്രം ദൈർഘ്യമുള്ള ചലച്ചിത്ര രൂപത്തിലേക്ക് മാറ്റുകയെന്നത് വലിയ വെല്ലുവിളി തന്നെയാണ്. ആ ഘട്ടം പിന്നിട്ടിരിക്കുന്നു. ഇനി ചിത്രത്തിനാ‌യുള്ള കാത്തിരിപ്പാണ്.



Recent News
  ‘തേനീച്ചയും പീരങ്കിപ്പടയും’ ; ഓഡിയോ ലോഞ്ച് മമ്മൂട്ടി നിര്‍വഹിച്ചു

  വിഷ്ണു–ധർമജൻ ടീമിന്റെ വികടകുമാരൻ

  ആമിയാകാൻ തയ്യാറെടുത്തിരുന്നു;പബ്ലിസിറ്റി തനിയ്ക്ക് ആവശ്യമില്ലെന്നും വിദ്യ

  വിമര്‍ശിച്ചും, കളിയാക്കിയും, കുമാറിന് പ്രേക്ഷകന്റെ വക ഒരു കൈ തൊഴല്‍ കൂടി

  ഇന്ദിരാഗാന്ധിയുടെ റോളില്‍ വിദ്യാബാലന്‍

  മോഹന്‍ലാല്‍ ഇത്തിക്കര പക്കിയാവും!

  ശിക്കാരി ശംഭു ; ട്രെയിലര്‍ പുറത്തിറങ്ങി

  പത്മാവതി ഇനി പത്മാവദ്; ഉപാധികളോടെ പ്രദര്‍ശനാനുമതി

  പരാതിയും പരിഭവവുമില്ല -ടൊവിനോ

  എനിക്ക് ദൈവം തന്ന വരമാണ്;പ്രിയതമയ്ക്ക് പീറ്റര്‍ ഹെയ്ന്‍ നല്‍കിയ ആശംസ!

  പുതിയ മേക്ക് ഓവറുമായി ലെന!

  ഒടിയന്‍ ചിത്രത്തിന്റെ ടീസര്‍ പുറത്തിറങ്ങി

  ആദിയിലൂടെ ഈ റെക്കോര്‍ഡ് പ്രണവിന് സ്വന്തം

  നടി കൽപനയുടെ മകൾ സിനിമയിലേയ്ക്ക്

  ഞെട്ടിക്കുന്ന പുതിയ മേക്ക് ഓവര്‍!