കാസര്‍കോട്: മൊബൈല്‍ ഫോണ്‍ റീചാര്‍ജ് ചെയ്യാന്‍ കടയില്‍ എത്തിയ പ്രവാസി കുഴഞ്ഞ് വീണ് മരിച്ചു. ഫോര്‍ട്ട് റോഡിലെ അബ്ദുല്‍ ലത്തീഫാ(56)ണ് ബലി പെരുന്നാള്‍ രാത്രി കുഴഞ്ഞ് വീണ് മരിച്ചത്. ട്രാഫിക്ക് ജംഗ്ഷനിലെ കടയിലാണ് കുഴഞ്ഞ് വീണത്. ആസ്പത്രിയില്‍ എത്തിച്ചെങ്കിലും രക്ഷിക്കാനായില്ല. ഖത്തറിലായിരുന്ന ലത്തീഫ് 10 ദിവസം മുമ്പാണ് നാട്ടിലെത്തിയത്. പരേതനായ ഹസന്‍-ഹലീമ ദമ്പതികളുടെ മകനാണ്. ഭാര്യ: അസ്മ. മക്കള്‍: തസ്ലീമ, തൗസീഫ്. മരുമകന്‍: അന്‍സാരി. സഹോദരങ്ങള്‍: അബ്ദുല്‍ ഖാദര്‍, അബ്ദുല്‍ റഹ്മാന്‍, അബ്ദുല്‍ അസീസ്.
