ബേഡകം: പാക്കിസ്താന് ഇന്‍സ്റ്റഗ്രാമിലൂടെ സ്വാതന്ത്ര്യദിനമാശംസിച്ച യുവാവിനെതിരെ പരാതി നല്‍കിയ ആളോട് കേസെടുക്കാന്‍ വകുപ്പില്ലെന്ന് പൊലീസിന്റെ മറുപടി. പ്രധാനമന്ത്രിയടക്കം മറ്റ് രാജ്യങ്ങളുടെ സ്വാതന്ത്ര്യദിനാഘോഷത്തിന് ആശംസകള്‍ നേരാറുണ്ടെന്നും അതുകൊണ്ട് ഇത്തരം ആശംസകള്‍ ദേശവിരുദ്ധപ്രവര്‍ത്തനമാകില്ലെന്നും പൊലീസ് വ്യക്തമാക്കി.
ബന്തടുക്ക ഏണിയാടി സ്വദേശിയായ യുവാവിനെതിരെയാണ് സ്‌ക്രീന്‍ ഷോട്ട് സഹിതം ബേഡകം പൊലീസില്‍ പരാതിയെത്തിയത്.
ഇതുസംബന്ധിച്ച് എന്‍.ഐ.എയ്ക്കും പരാതി നല്‍കിയിട്ടുണ്ട്. മറ്റു രാജ്യങ്ങളുടെ സ്വാതന്ത്ര്യദിനത്തിന് ആശംസകള്‍ ആര്‍ക്കും അറിയിക്കാവുന്നതാണെന്ന് പൊലീസ് വിശദീകരിക്കുന്നു. പാക്കിസ്താന്റെ സ്വാതന്ത്ര്യദിനത്തിന് പാക്കിസ്താന്റെ പതാകയോടൊപ്പം ഹാപ്പി ഇന്‍ഡിപ്പെന്‍ഡന്‍സ് ഡേ എന്നാണ് ഇന്‍സ്റ്റഗ്രാമില്‍ യുവാവ് പോസ്റ്റ് ചെയ്തത്.
