കാഞ്ഞങ്ങാട്: ലോറി നിയന്ത്രണം വിട്ട് മറിഞ്ഞു. ഇന്ന് പുലര്‍ച്ചെ കാഞ്ഞങ്ങാട് സൗത്തിലാണ് അപകടം. മഹാരാഷ്ട്രയില്‍ നിന്നും ഉള്ളി കയറ്റി കണ്ണൂര്‍ ഭാഗത്തേക്കു പോവുകയായിരുന്ന ലോറിയാണ് മാരുതി ഷോറൂമിന് മുന്നില്‍ നിയന്ത്രണം വിട്ട് റോഡിനു കുറുകെ മറിഞ്ഞത്. ഒരാള്‍ക്കു സാരമായ പരിക്കുണ്ട്. പുലര്‍ച്ചെ ഒരു മണിക്കാണ് അപകടം. ശബ്ദം കേട്ട് നാട്ടുകാരും മറ്റു വാഹനങ്ങളിലെ യാത്രക്കാരും പൊലിസും അഗ്‌നിശമന സേനയും എത്തിയാണ് രക്ഷാപ്രവര്‍ത്തം നടത്തിയത്. എണ്ണ ടാങ്ക് പൊട്ടി ഡിസല്‍ റോഡില്‍ പരന്നത് ഗതാഗതത്തെ ബാധിച്ചു.
അഗ്‌നിശമന സേന ഇത് കഴുകി വൃത്തിയാക്കി. ദേശീയപാതയില്‍ ഗതാഗത തടസമൊഴിവാക്കാന്‍ നടപടിയെടുത്തു.
