കാസര്‍കോട്: കേരള പ്രിന്റേര്‍സ് അസോസിയേഷന്‍ (കെ.പി.എ) ജില്ലാ സമ്മേളനം 2019 ഓഗസ്റ്റ് 31ന് ശനിയാഴ്ച രാവിലെ 10.30 മണിക്ക് കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ നടക്കും. രാജ്‌മോഹന്‍ ഉണ്ണിത്താന്‍ എം.പി ഉദ്ഘാടനം ചെയ്യും. കെ.പി.എ ജില്ലാ പ്രസിഡണ്ട് എന്‍. കേളുനമ്പ്യാര്‍ അധ്യക്ഷത വഹിക്കും. കെ.പി.എ സംസ്ഥാന പ്രസിഡണ്ട് പി.എ അഗസ്റ്റിന്‍ മുഖ്യാതിഥിയായിരിക്കും. സമ്മേളനത്തോടനുബന്ധിച്ച് സംഘടിപ്പിക്കുന്ന പ്രിന്റിംഗ് എക്‌സിബിഷന്‍ കെ.പി.എ സംസ്ഥാന ജന. സെക്രട്ടറി വൈ. വിജയന്‍ ഉദ്ഘാടനം ചെയ്യും.
രാവിലെ 10 മണിക്ക് മുന്‍ സംസ്ഥാന വൈസ് പ്രസിഡണ്ട് പി.എം അബ്ദുല്‍റഹ്മാന്‍ പതാക ഉയര്‍ത്തി സമ്മേളനത്തിന് തുടക്കം കുറിക്കും.
ഓള്‍ ഇന്ത്യ ഫെഡറേഷന്‍ ഓഫ് മാസ്റ്റര്‍ പ്രിന്റേര്‍സ് ജി.ബി അംഗം സിബി കൊടിയംകുന്നേല്‍ വിശിഷ്ടാതിഥിയായിരിക്കും. സംസ്ഥാന സെക്രട്ടറി വിനയരാജ് കെ മാഗസിന്‍ പ്രകാശനം നിര്‍വ്വഹിക്കും. പ്രസുടമകളുടെ കുടുംബാംഗങ്ങളില്‍ പഠനത്തില്‍ മികവ് തെളിയിച്ചവര്‍ക്കുള്ള ഉപഹാരം സംസ്ഥാന സെക്രട്ടറി എം. ജയറാം സമ്മാനിക്കും. ജില്ലാ സെക്രട്ടറി അജയകുമാര്‍ വി.ബി റിപ്പോര്‍ട്ടും ട്രഷറര്‍ രവിശങ്കര്‍ എ. വരവ് ചെലവ് കണക്കും അവതരിപ്പിക്കും.
മുന്‍ ജില്ലാ പ്രസിഡണ്ടുമാരായ മുജീബ് അഹ്മദ്, മുഹമ്മദ് സാലി, കെ.എസ്.എസ്.ഐ.എ ജില്ലാ വൈസ് പ്രസിഡണ്ട് രാജാറാം പെര്‍ള, കെ.പുണ്ഡലിക ഷേണായ്, കാഞ്ഞങ്ങാട് മേഖലാ സെക്രട്ടറി ജനാര്‍ദ്ദന്‍ മേലത്ത്, കാസര്‍കോട് മേഖല സെക്രട്ടറി പ്രജിത്ത് മേലത്ത് സംസാരിക്കും. ജില്ലാ വൈസ് പ്രസിഡണ്ട് അശോക് കുമാര്‍ ടി.പി സ്വാഗതവും സംസ്ഥാന കമ്മിറ്റി അംഗം റെജി മാത്യു നന്ദിയും പറയും.
ഉച്ചയ്ക്ക് 2 മണിക്ക് ജനറല്‍ ബോഡി ചര്‍ച്ച, 3.30ന് പുതിയ ഭാരവാഹികളുടെ തിരഞ്ഞെടുപ്പ് എന്നിവ നടക്കും. വാര്‍ത്താസമ്മേളനത്തില്‍ പങ്കെടുത്തവര്‍
എം. ജയറാം (സംഘാടക സമിതി ചെയര്‍മാന്‍)
എന്‍. കേളുനമ്പ്യാര്‍ (കെ.പി.എ ജില്ലാ പ്രസി.)
അജയകുമാര്‍ വി.ബി (സെക്ര. ഇന്‍ചാര്‍ജ്)
രവിശങ്കര്‍ (ട്രഷ.)
സിബി കൊടിയംകുന്നേല്‍ (എ.ഐ.എഫ്.എം.പി ജിബി അംഗം)
മുജീബ് അഹ്മദ് (മുന്‍ ജില്ലാ പ്രസിഡണ്ട്)
അശോക് കുമാര്‍ ടി.പി (ജില്ലാ വൈസ് പ്രസിഡണ്ട്)
പ്രജിത്ത് മേലത്ത് (കാസര്‍കോട് മേഖലാ സെക്ര.)
