വിദ്യാനഗര്‍: കോടതി പരിസരത്ത് വെച്ച് കഞ്ചാവ് വില്‍പ്പനക്ക് ശ്രമിച്ച യുവാവിനെ വിദ്യാനഗര്‍ എസ്.ഐ. യു.പി. വിപിനും സംഘവും അറസ്റ്റ് ചെയ്തു.
ഉളിയത്തടുക്കക്ക് സമീപം എസ്.പി. നഗറിലെ മൊയ്തു എന്ന മൊയ്തീന്‍(23)ആണ് അറസ്റ്റിലായത്. ഇന്നലെ വൈകിട്ട് വിദ്യാനഗര്‍ കോടതി ഗേറ്റ് പരിസരത്ത് വെച്ചാണ് 32.5 ഗ്രാം കഞ്ചാവുമായി മൊയ്തീന്‍ അറസ്റ്റിലായത്.
കോടതിയില്‍ ഹാജരാവുന്ന പ്രതികള്‍ക്ക് വില്‍പ്പന നടത്താനാണ് കഞ്ചാവ് കൊണ്ടുവന്നതെന്നാണ് പൊലീസ് സംശയിക്കുന്നത്. മൊയ്തീന്‍ നേരത്തെ ഏതാനും കേസുകളില്‍ പ്രതിയാണെന്ന് പൊലീസ് പറഞ്ഞു.
