ദുബായ്: മുപ്പത് ലക്ഷത്തില്‍ പരം രൂപയുടെ പ്രവര്‍ത്തന റിപ്പോര്‍ട്ട് അവതരിപ്പിച്ചു കൊണ്ട് ദുബായ് കെ.എം.സി.സി ചെങ്കള പഞ്ചായത്ത് കമ്മിറ്റി പുനഃസംഘടിപ്പിച്ചു.
ദുബായിലെ സത്യധാര ഓഫീസ് ഓഡിറ്റോറിയത്തില്‍ നടന്ന ജനറല്‍ കൗണ്‍സിലിലാണ് കെ.എം.സി.സി ചെങ്കള പഞ്ചായത്ത് കമ്മിറ്റി നാട്ടില്‍ ഇരുപത്തിനാല് ലക്ഷം രൂപ ജീവകാരുണ്യ പ്രവര്‍ത്തനങ്ങള്‍ക്കും ഒരു ലക്ഷത്തി മുപ്പത്തിനാലായിരം രൂപ വിദ്യാഭ്യാസ പ്രവര്‍ത്തനങ്ങള്‍ക്കും രാഷ്ട്രീയ ഇടപെടലുകള്‍ക്കും കമ്മിറ്റി പ്രവര്‍ത്തനങ്ങള്‍ക്കും കൂടി നാല് ലക്ഷത്തി എഴുപതിനായിരം രൂപയും ചെലവഴിച്ച പ്രവര്‍ത്തന റിപ്പോര്‍ട്ട് അവതരിപ്പിച്ചത്.
പ്രസിഡണ്ട് ഇബ്രാഹിം ഐ.പി.എം അധ്യക്ഷത വഹിച്ചു. ദുബായ് കെ.എം.സി.സി സംസ്ഥാന ഉപാധ്യക്ഷനും ചെങ്കള കെ.എം.സി.സിയുടെ അഡൈ്വസറി ബോര്‍ഡ് ചെയര്‍മാനുമായ ഹനീഫ ചെര്‍ക്കളം ഉദ്ഘാടനം ചെയ്തു. ജന.സെക്രട്ടറി അസീസ് കമാലിയ സ്വാഗതം പറഞ്ഞു. കെ.എം.സി.സി കാസര്‍കോട് ജില്ലാ പ്രസിഡണ്ട് അബ്ദുല്ല ആറങ്ങാടി, ജന. സെക്രട്ടറി സലാം കന്യാപാടി, മണ്ഡലം പ്രസിഡണ്ട് ഫൈസല്‍ പട്ടേല്‍, ജന.സെക്രട്ടറി നൂറുദ്ദീന്‍ ആറാട്ടുകടവ്, സത്താര്‍ ആലംപാടി, ജില്ലാ നേതാക്കളായ ഹസൈനാര്‍ ബീജന്തടുക്ക, സലീം ചേരങ്കൈ സംസാരിച്ചു.
ഭാരവാഹികള്‍: അസീസ് കമാലിയ (പ്രസിഡണ്ട്), സത്താര്‍ നാരംപാടി (ജന.സെക്രട്ടറി), ലത്തീഫ് മഠത്തില്‍ (ട്രഷറര്‍), റഫീഖ് എതിര്‍ത്തോട് (ഓര്‍ഗനൈസിംഗ് സെക്രട്ടറി), സിദ്ദീഖ് കനിയടുക്കം (വര്‍ക്കിംഗ് പ്രസിഡണ്ട്),
ജി.എസ് ഇബ്രാഹിം ചന്ദ്രന്‍പാറ, റഹീം താജ്, ഷിഹാന്‍ ചാംബലം, നാസര്‍ മല്ലം, പി.സി മുഹമ്മദ് നെല്ലിക്കട്ട, ഷാഫി ചേരൂര്‍, ഹസന്‍ ചെര്‍ക്കളം (വൈസ് പ്രസിഡണ്ട്), ഖാദര്‍ പൈക്ക, ജസീം അല്ലാമ നഗര്‍, മുഷ്താഖ് ചെര്‍ക്കള, ഇഷ്ഹാഖ്, അന്‍ഷിദ് ഹില്‍ട്ടണ്‍, റഹീം പയോട്ട, ഖാദര്‍ ആലംപാടി (സെക്രട്ടറി).
