കുമ്പള: എം.എ ഖാസിം മുസ്ല്യാരുടെ അഭിലാഷമായിരുന്ന ഇമാം ശാഫി ഇസ്‌ലാമിക്ക് അക്കാദമിയെന്ന മത-ഭൗതികസമന്വയ വിദ്യഭ്യാസത്തിലൂന്നിയുള്ള സ്ഥാപനം വടവൃക്ഷമായി മാറുമെന്നും അനേകായിരങ്ങള്‍ക്ക് ഇത് തണലേകുമെന്നും സമസ്ത പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പറഞ്ഞു. കുമ്പള ഇമാം ശാഫി ഇസ്‌ലാമിക്ക് അക്കാദമിയില്‍ സംഘടിപ്പിച്ച എം.എ ഖാസിം മുസ്ല്യാര്‍ അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍. സിയാറത്തിന് സമസ്ത വൈസ് പ്രസിഡണ്ട് യു.എം അബ്ദുല്‍റഹ്മാന്‍ മുസ്ല്യാര്‍ നേതൃത്വം നല്‍കി. ഡോ. എം.എം ഇസുദ്ധീന്‍ അധ്യക്ഷത വഹിച്ചു. ബി.കെ. അബ്ദുല്‍ ഖാദര്‍ അല്‍ഖാസിമി അനുസ്മരണ പ്രഭാഷണം നടത്തി. സിറാജുദ്ദീന്‍ ഖാസിമി പത്തനാപുരം മുഖ്യപ്രഭാഷണം നടത്തി. സയ്യിദ് കെ.എസ്. അലി തങ്ങള്‍ കുമ്പോല്‍, സയ്യിദ് സൈനുല്‍ ആബിദിന്‍ തങ്ങള്‍ അല്‍ ബുഖാരി കുന്നുംകൈ, എം.എസ്. തങ്ങള്‍ മദനി, ഖാസി ഇ.കെ. മഹമൂദ് മുസ്ല്യാര്‍, സയ്യിദ് സൈനുല്‍ ആബിദീന്‍ ജിഫ്‌രി തങ്ങള്‍, മുഹമ്മദ് അറബി ഹാജി കുമ്പള, യഹ്‌യ തളങ്കര, തൊട്ടി മാഹിന്‍ മുസ്ല്യാര്‍, മുസ്തഫല്‍ ഫൈസി, എന്‍.പി. മുഹമ്മദ് സഅദി, ജന.സെക്രട്ടറി കെ.എല്‍. അബ്ദുല്‍ ഖാദര്‍ അല്‍ ഖാസിമി സംസാരിച്ചു. സൗദി കമ്മിറ്റി നിര്‍മിക്കുന്ന ഖാസിം മുസ്ല്യാര്‍ മെമ്മോറിയല്‍ ഓഡിറ്റോറിയത്തിന്റെ ശിലാസ്ഥാപനവും ജിഫ്‌രി തങ്ങള്‍ നിര്‍വഹിച്ചു.
