കാസര്‍കോട്: ടി. ഉബൈദ് പുരസ്‌കാര ജേതാവ് യഹ്‌യ തളങ്കരയ്ക്ക് മുസ്ലിം യൂത്ത് ലീഗ് കാസര്‍കോട് മുനിസിപ്പല്‍ കമ്മിറ്റിയുടെ ആദരം. യൂത്ത് ലീഗ് മുനിസിപ്പല്‍ പ്രസിഡണ്ട് അജ്മല്‍ തളങ്കരയുടെ അധ്യക്ഷതയില്‍ നടന്ന ചടങ്ങില്‍ മുസ്ലിം യൂത്ത് ലീഗ് കാസര്‍കോട് മുനിസിപ്പല്‍ കമ്മിറ്റിയുടെ സ്‌നേഹോപഹാരം എന്‍.എ നെല്ലിക്കുന്ന് എം.എല്‍.എ നല്‍കി. മുസ്ലിം ലീഗ് ജില്ലാ ജനറല്‍ സെക്രട്ടറി എ. അബ്ദുല്‍റഹ്്മാന്‍ ഉദ്ഘാടനം ചെയ്തു.
ഹാരിസ് ബെദിര സ്വാഗതം പറഞ്ഞു. മുസ്ലിം ലീഗ് ജില്ലാ വൈസ് പ്രസിഡണ്ട്് ടി.ഇ അബ്ദുല്ല, എ.എം കടവത്ത്, അബ്ബാസ് ബീഗം, ഖാലിദ് പച്ചക്കാട്, ബഷീര്‍ തൊട്ടാന്‍, എ.എ അസീസ്, അഷ്ഫാക്ക് തുരുത്തി, ഫിറോസ് അടുക്കത്ത്‌വയല്‍, നൗഫല്‍ തായല്‍, റഹ്മാന്‍ തൊട്ടാന്‍, മുസമ്മില്‍ ഫിര്‍ദൗസ് നഗര്‍, അനസ് കണ്ടത്തില്‍, ഖലീല്‍ ഷെയ്ക്ക് കൊല്ലമ്പാടി, ബഷീര്‍ കടവത്ത്, നജീബ് ചേരങ്കൈ, ഇബ്രാഹിം ഖാസിയാറം, മുജീബ് തായലങ്ങാടി തുടങ്ങിയവര്‍ പ്രസംഗിച്ചു.
