ഹൊസങ്കടി: ഹൊസങ്കടിയില്‍ ബസിന് പിറകില്‍ ലോറിയിടിച്ച് ബസ് യാത്രക്കാരായ രണ്ടു സ്ത്രീകള്‍ക്ക് പരിക്കേറ്റു. ഹൊസങ്കടിയിലെ രാധ (60), മംഗലാപുരത്തെ ഷംസീദ (32) എന്നിവര്‍ക്കാണ് പരിക്കേറ്റത്. ഇവരെ സ്വകാര്യ ആസ്പത്രിയില്‍ പ്രവേശിപ്പിച്ചു. ഞായറാഴ്ച രാവിലെ പത്തരയോടെയായിരുന്നു അപകടം. ബസിന് മുമ്പിലുണ്ടായിരുന്ന ജീപ്പ് വലതുഭാഗത്തെ റോഡിലേക്ക് പൊടുന്നനെ വെട്ടിച്ചപ്പോള്‍ ബസ് ബ്രേക്കിടുകയായിരുന്നു. അതിനിടെയാണ് പിറകിലുണ്ടായിരുന്ന ലോറി ഇടിച്ചത്.
