കാഞ്ഞങ്ങാട്: ഈവര്‍ഷത്തെ സംസ്ഥാന സര്‍ക്കാറിന്റെ ഓണം ബംബര്‍ ലോട്ടറി നറുക്കെടുപ്പില്‍ രണ്ടാം സമ്മാനമായ 50 ലക്ഷം രൂപ കാഞ്ഞങ്ങാട്ടെ ഓട്ടോഡ്രൈവര്‍ക്ക് ലഭിച്ചു. കാഞ്ഞങ്ങാട് സൗത്ത് കൊവ്വല്‍ സ്റ്റോറിലെ ശ്രീധരന്‍-ശാരദ ദമ്പതികളുടെ മകനായ രതീഷിനാണ് സമ്മാനം ലഭിച്ചത്. വര്‍ഷങ്ങളായി സ്‌കൂള്‍ വിദ്യാര്‍ത്ഥികളെ കൊണ്ടുപോകുന്ന ജോലിയാണ് രതീഷ് ചെയ്തുവരുന്നത്. പുതിയകോട്ട ന്യൂ ലക്കി ലോട്ടറി സെന്ററില്‍ നിന്നാണ് സമ്മാനാര്‍ഹമായ ലോട്ടറി ടി.ജി. 518381 രതീഷ് എടുത്തത്. അവിവാഹിതനാണ്. സഹോദരങ്ങള്‍: ശൈലേഷ്, സന്തോഷ്.
