ചെര്‍ക്കള: കുഷ്ഠരോഗ ലക്ഷണങ്ങള്‍ ഉള്ള ആളുകളെ നേരത്തെ കണ്ടെത്തി അംഗവൈകല്യങ്ങള്‍ഇല്ലാതാക്കി ചികിത്സിക്കുക എന്ന ഉദ്ദേശത്തോട്കൂടി അശ്വമേധം പരിപാടിക്ക് തുടക്കം കുറിച്ചു.
സെപ്തംബര്‍ 23 മുതല്‍ ഒക്ടോബര്‍ 6 വരെയുള്ള രണ്ടാഴ്ചക്കാലം പഞ്ചായത്തിലെ 15,000 ഓളം വീടുകളില്‍ പരിശീലനം ലഭിച്ച പുരുഷ, സ്ത്രീ വളണ്ടിയര്‍മാര്‍ സര്‍വ്വേ നടത്തുന്നു. പഞ്ചായത്തിലെ സ്‌കൂളുകള്‍, ഇതര സംസ്ഥാന തൊഴിലാളികള്‍, മറ്റു സ്ഥാപനങ്ങളിലും കുഷ്ഠരോഗ സര്‍വ്വേ നടത്തും.
പരിപാടിയുടെ ഉദ്ഘാടനം ചെര്‍ക്കളയില്‍ രാജ്‌മോഹന്‍ ഉണ്ണിത്താന്‍ എം.പി. നിര്‍വ്വഹിച്ചു. പഞ്ചായത്ത് പ്രസിഡണ്ട് ഷാഹിന സലിം അധ്യക്ഷത വഹിച്ചു. മെഡിക്കല്‍ ഓഫീസര്‍ ഡോ. ഷമീമ തന്‍വീര്‍ പരിപാടി വിശദീകരിച്ചു.
ഹെല്‍ത്ത് ഇന്‍സ്‌പെക്ടര്‍ ബി.അഷ്‌റഫ് സ്വാഗതം പറഞ്ഞു. പഞ്ചായത്ത് മെമ്പര്‍ ഓമന, ആരോഗ്യ പ്രവര്‍ത്തകരായ അഫീസ് ഷാഫി, ജലജ, കൊച്ചുറാണി, നിഷ, മഞ്ജുഷറാണി, ആശമോള്‍, ആശ പ്രവര്‍ത്തകരായ ശ്രീജ, ജയകുമാരി, രാധ, താഹിറ, ഭവാനി, രോഹിണി സംബന്ധിച്ചു.
