ദുബായ്: കാലത്തിന് മുമ്പെ സഞ്ചരിച്ച കര്‍മ്മയോഗിയാണ് ടി. ഉബൈദ് സാഹിബെന്നും അധ്യാപകനായും സാഹിത്യകാരനായും സാമൂഹ്യപരിഷ്‌കര്‍ത്താവായും വ്യക്തിമുദ്ര പതിപ്പിച്ച അദ്ദേഹത്തിന്റെ സംഭാവനകള്‍ പുതുതലമുറ കൂടുതല്‍ വായിച്ചറിയേണ്ടതുണ്ടെന്നും വ്യവസായി യഹ്‌യ തളങ്കര പറഞ്ഞു.
ഇശല്‍ കലാവേദിയുടെ ടി. ഉബൈദ് അവാര്‍ഡ് ജേതാവായ യഹ്‌യ തളങ്കരക്ക് ദുബായ് കാസര്‍കോട് മണ്ഡലം കെ.എം.സി.സി നല്‍കിയ അനുമോദന യോഗത്തില്‍ സംസാരിക്കുകയായിരുന്നു അദ്ദേഹം. പ്രസിഡണ്ട് ഫൈസല്‍ പട്ടേല്‍ അധ്യക്ഷത വഹിച്ചു.
കാസര്‍കോട് മുനിസിപ്പല്‍ സ്റ്റാന്‍ഡിംഗ് കമ്മറ്റി ചെയര്‍മാന്‍ അഡ്വ. വി.എം. മുനീര്‍ മുഖ്യാഥിതിയായിരുന്നു. ഹംസ തൊട്ടി, അബ്ദുല്ല ആറങ്ങാടി, സലാം കന്യപ്പാടി, ഹസൈനാര്‍ തോട്ടുംഭാഗം, ഹനീഫ് ടി.ആര്‍., ഖലീല്‍ പതിക്കുന്നില്‍, ഹസ്സൈനാര്‍ ബീജന്തടുക്കം, സലീം ചേരങ്കൈ, ഫൈസല്‍ മുഹ്‌സിന്‍, സിദ്ദിഖ് ചൗക്കി, സുബൈര്‍ അബ്ദുല്ല, ഷാഫി കാസിവളപ്പില്‍, ഉപ്പി കല്ലങ്കൈ, സഫ്‌വാന്‍ അണങ്കൂര്‍, സുഹൈല്‍ കോപ്പ, ഹാരിസ് ബ്രദേര്‍സ്, അസ്‌കര്‍ ചൂരി, അസീസ് കമാലിയ, ഹനീഫ് കുമ്പഡാജെ, ലത്തീഫ് മഠത്തില്‍, സര്‍ഫ്രാസ് പട്ടേല്‍, ഗഫൂര്‍ ഊദ്, ഉബൈദ് ചെറൂണി എന്നിവര്‍ പ്രസംഗിച്ചു.
സിദ്ദിഖ് കനിയടുക്കം പ്രാര്‍ത്ഥന നടത്തി. മണ്ഡലം സെക്രട്ടറി നൂറുദ്ധീന്‍ ആറാട്ടുകടവ് സ്വാഗതവും മണ്ഡലം ട്രഷറര്‍ സത്താര്‍ ആലംപാടി നന്ദിയും പറഞ്ഞു.
