കാസര്‍കോട്: കാസര്‍കോട് സബ് ജില്ലാ ശാസ്ത്ര, സാമൂഹ്യ, ഗണിത ശാസ്ത്ര, പ്രവൃത്തി പരിചയ, ഐ.ടി. മേള 14, 15 തിയതികളില്‍ നെല്ലിക്കുന്ന് അന്‍വാറുല്‍ ഉലൂം എ.യു.പി. സ്‌കൂളിലും ജി.വി.എച്ച്.എസ്.എസ് നെല്ലിക്കുന്നിലുമായി നടക്കുമെന്ന് സംഘാടക സമിതി ഭാരവാഹികള്‍ പത്രസമ്മേളനത്തില്‍ അറിയിച്ചു. 14ന് രാവിലെ 10ന് ജില്ലാ കലക്ടര്‍ ഡി. സജിത് ബാബു ഉദ്ഘാടനം ചെയ്യും. സ്‌കുള്‍ മാനേജിംഗ് കമ്മിറ്റി പ്രസിഡണ്ട് എന്‍.എം. സുബൈര്‍ അധ്യക്ഷത വഹിക്കും. ഫൈനാന്‍സ് കമ്മിറ്റി ചെയര്‍മാന്‍ ഹനീഫ് നെല്ലിക്കുന്ന്, ഡി.ഇ.ഒ. എന്‍.നന്ദികേശന്‍, ജില്ലാ പ്രൊജക്ട് ഓഫീസര്‍ എസ്.എസ്.കെ എം.വി. ഗംഗാധരന്‍, കെറ്റ് ജില്ലാ കോ-ഓഡിനേറ്റര്‍ എം.പി. രാജേഷ്, എ.ഇ.ഒ. അഗസ്റ്റിന്‍ ബര്‍ണാഡ് മോണ്ടിസോറി, ബി.പി.ഒ.ടി. കാസിം, പബ്ലിസിറ്റി കമ്മിറ്റി ചെയര്‍മാന്‍ ടി.എ. ഷാഫി, എച്ച്.എം. ഫോറം കണ്‍വീനര്‍, കെ. മധു, സ്വാഗത സംഘം ജനറല്‍ കണ്‍വീനര്‍ എ.കെ. മുഹമ്മദ് കുട്ടി, ഖമറുദ്ദീന്‍ തായല്‍, ശ്രീജ, അബ്ബാസ് ബീഗം തുടങ്ങിയവര്‍ പ്രസംഗിക്കും. 15ന് വൈകീട്ട് നാലിന് സമാപന ചടങ്ങ് ഡയറ്റ് പ്രിന്‍സിപ്പല്‍ ഡോ. എം.ബാലന്‍ ഉദ്ഘാടനം ചെയ്യും. പി.ടി.എ. പ്രസിഡന്റ് മുഹമ്മദ് അലി അധ്യക്ഷത വഹിക്കും. പത്രസമ്മേളനത്തില്‍ എ.ഇ.ഒ. അഗസ്റ്റിന്‍ ബര്‍ണാഡ്, എം.കെ. മുഹമ്മദ് കുട്ടി, എന്‍.എം. സുബൈര്‍, ഹനീഫ് നെല്ലിക്കുന്ന്, അബ്ബാസ് ബീഗം, മുഹമ്മദ് അലി സംബന്ധിച്ചു.
