കാസര്‍കോട്: മഞ്ചേശ്വരം ഉപതിരഞ്ഞെടുപ്പില്‍ യു.ഡി.എഫ് സ്ഥാനാര്‍ത്ഥി എം.സി ഖമറുദ്ധീന്റെ തിരഞ്ഞെടുപ്പ് പ്രചരണാര്‍ത്ഥം ദേശീയ സെക്രട്ടറി എ.അബ്ദുല്‍ റഹ്മാന്റെ നേതൃത്വത്തില്‍ എസ്.ടി.യു ജില്ലാ കമ്മിറ്റി തീരദേശ യാത്ര സംഘടിപ്പിച്ചു. ഹൊസബട്ടു കടപ്പുറത്ത് നിന്ന് കാല്‍നടയായി നടത്തിയ യാത്രയില്‍ നിരവധി തൊഴിലാളികള്‍ അണിനിരന്നു.
എസ്.ടി.യു ദേശീയ ജനറല്‍ സെക്രട്ടറി അഡ്വ. എം. റഹ്മത്തുള്ള ഉദ്ഘാടനം ചെയ്തു. ജില്ലാ പ്രസിഡണ്ട് എ. അഹ്മദ് ഹാജി അധ്യക്ഷത വഹിച്ചു. ജനറല്‍ സെക്രട്ടറി ഷരീഫ് കൊടവഞ്ചി സ്വാഗതം പറഞ്ഞു.
ജാഥ ഉപനായകന്‍ കെ.പി. മുഹമ്മദ് അഷ്‌റഫ് മുഖ്യ പ്രഭാഷണം നടത്തി. ബങ്കര മഞ്ചേശ്വരത്ത് നടന്ന സ്വീകരണ പരിപാടി എസ്.ടി.യു സംസ്ഥാന പ്രസിഡണ്ട് അഹ്മദ് കുട്ടി ഉണ്ണിക്കുളം ഉദ്ഘാടനം ചെയ്തു. എസ്.ടി.യു സംസ്ഥാന വൈസ് പ്രസിഡണ്ട് എം.എ.കരീം, യൂത്ത് ലീഗ് ജില്ലാ പ്രസിഡണ്ട് അഷ്‌റഫ് എടനീര്‍, എസ്.ടി.യു ജില്ലാ ഭാരവാഹികളായ മുംതാസ് സമീറ, ശംസുദ്ധീന്‍ ആയിറ്റി, അബ്ദുല്‍ റഹ്മാന്‍ ബന്തിയോട്, ഉമ്മര്‍ അപ്പോളോ, കുഞ്ഞാമദ് കല്ലൂരാവി, പി.ഐ.എ ലത്തീഫ്, ടി.പി. മുഹമ്മദ് അനീസ്, കാസര്‍കോട് നഗരസഭ ചെയര്‍പേഴ്‌സണ്‍ ബീഫാത്തിമ ഇബ്രാഹിം, മാഹിന്‍ മുണ്ടക്കൈ, മഞ്ചേശ്വരം ഗ്രാമപഞ്ചായത്ത് പ്രസിഡണ്ട് അസീസ് ഹാജി, സൈഫുള്ള തങ്ങള്‍, ബി.എംഅഷ്‌റഫ് മഞ്ചേശ്വരം തുടങ്ങിയവര്‍ പ്രസംഗിച്ചു.
