കാസര്‍കോട്: കുട്ടിശാസ്ത്രജ്ഞന്‍മാര്‍ വിസ്മയം തീര്‍ത്ത് ഉപജില്ലാ ശാസ്‌ത്രോത്സവത്തിന് തുടക്കമായി.
നെല്ലിക്കുന്ന് അന്‍വാറുല്‍ ഉലൂം എ.യു.പി. സ്‌കൂളില്‍ നടന്ന ചടങ്ങ് ജില്ലാ കലക്ടര്‍ ഡി.സജിത് ബാബു ഉദ്ഘാടനം ചെയ്തു. സ്‌കൂള്‍ മാനേജിംഗ് കമ്മിറ്റി പ്രസിഡന്റ് എന്‍.എം. സുബൈര്‍ അധ്യക്ഷത വഹിച്ചു.
ഫൈനാന്‍സ് കമ്മിറ്റി ചെയര്‍മാന്‍ ഹനീഫ് നെല്ലിക്കുന്ന്, കൈറ്റ് ജില്ലാ കോ-ഓഡിനേറ്റര്‍ എം.പി.രാജേഷ്, കാസര്‍കോട് എ.ഇ.ഒ അഗസ്റ്റിന്‍ ബര്‍ണാഡ്, ബി.പി.ഒ. ടി. കാസിം, പബ്ലിസിറ്റി ചെയര്‍മാന്‍ ടി.എ.ഷാഫി, പി.ടി.എ. കമ്മിറ്റി പ്രസിഡന്റ് മുഹമ്മദലി, ടി.എ. മഹമൂദ് ഹാജി, ഫുഡ് കമ്മിറ്റി ചെയര്‍മാന്‍ ഖമറുദ്ദീന്‍ തായല്‍, ഷാഫി തെരുവത്ത്, സി.എം.അഷ്‌റഫ്, ജമാലുദ്ദീന്‍, പ്രസീദ ടീച്ചര്‍ തുടങ്ങിയവര്‍ സംബന്ധിച്ചു. സ്‌ക്കൂള്‍ ഹെഡ്മാസ്റ്റര്‍ എ.കെ.മുഹമ്മദ് കുട്ടി സ്വാഗതവും സ്വീകരണ കമ്മിറ്റി ചെയര്‍മാന്‍ അബ്ബാസ് ബീഗം നന്ദിയും പറഞ്ഞു. രണ്ട് ദിനങ്ങളിലായി എ.യു.എ.യു.പി സ്‌ക്കുളിലും നെല്ലിക്കുന്ന് ജി.വി.എച്ച്.എസ്.എസ് ഗേള്‍സിലും നടക്കുന്ന ശാസ്‌ത്രോത്സത്തില്‍ ഒന്നാം ക്ലാസ് മുതല്‍ പ്ലസ്ടു വരെയുള്ള ഏഴായിരത്തോളം പ്രതിഭകളാണ് വിവിധ ഇനങ്ങളില്‍ മല്‍സരിക്കുന്നത്.
