കാസര്‍കോട്: പ്രളയത്തെത്തുടര്‍ന്ന് നദികളിലും ഡാമുകളിലും അടിഞ്ഞു കൂടിയ ടണ്‍ കണക്കിന് മണല്‍ വാരാന്‍ സര്‍ക്കാര്‍ എടുത്ത തീരുമാനം ഉടന്‍ നടപ്പിലാക്കണമെന്നും ഇ-മണല്‍ സംവിധാനം നടപ്പിലാക്കണമെന്നും ലെന്‍സ്‌ഫെഡ് കാസര്‍കോട് താലൂക്ക് കമ്മിറ്റി യോഗം ആവശ്യപ്പെട്ടു. നിര്‍മ്മാണമേഖല നേരിടുന്ന പ്രതിസന്ധിക്ക് ഇത് ആശ്വാസം പകരുമെന്നും മണല്‍ ലഭ്യതക്കുറവ് മൂലം തൊഴില്‍ നഷ്ടപ്പെട്ട തൊഴിലാളികള്‍ക്ക് ജീവിതത്തിലേക്ക് തിരിച്ച് വരാനുള്ള അവസരമൊരുക്കുമെന്നും യോഗം അഭിപ്രായപ്പെട്ടു.
താലൂക്ക് പ്രസിഡണ്ട് മുജീബ് റഹ്മാന്‍ അധ്യക്ഷത വഹിച്ചു. സെക്രട്ടറി രാജു ടി സ്വാഗതം പറഞ്ഞു.
സെബാസ്റ്റ്യന്‍ ടി.ജെ, അനില്‍ കുമാര്‍ എം.വി, ഉദയകുമാര്‍ സംസാരിച്ചു. വിവിധ യൂണിറ്റ് നേതാക്കള്‍ സംബന്ധിച്ചു. സന്തോഷ് കുമാര്‍ നന്ദി പറഞ്ഞു.
