ഒമാന്‍: പ്രവാസികളില്‍ നിന്ന് അമിത ടിക്കറ്റ് ചാര്‍ജ്ജ് ഈടാക്കി പ്രയാസപ്പെടുത്തുന്ന വിമാന കമ്പനികളെ നിയന്ത്രിക്കാന്‍ കേന്ദ്ര സര്‍ക്കാര്‍ നടപടി സ്വീകരിക്കണമെന്ന് കസബ് കെ.എം.സി.സി മൊഗ്രാല്‍പുത്തൂര്‍ പഞ്ചായത്ത് കണ്‍വെന്‍ഷന്‍ ആവശ്യപ്പെട്ടു.
സീതി കുന്നില്‍ അധ്യക്ഷത വഹിച്ചു. ലെത്തീഫ് കുന്നില്‍ സ്വാഗതം പറഞ്ഞു. മൊഗ്രാല്‍പുത്തൂര്‍ പഞ്ചായത്ത് മുസ്ലിം ലീഗ് പ്രസിഡണ്ട് കെ.ബി. കുഞ്ഞാമു ഉദ്ഘാടനം ചെയ്തു. പഞ്ചായത്ത് വികസനകാര്യ സ്ഥിരം സമിതി ചെയര്‍മാന്‍ മുജീബ് കമ്പാര്‍ മുഖ്യപ്രഭാഷണം നടത്തി.
ഭാരവാഹികള്‍: സീതി കുന്നില്‍ (പ്രസി.), അബ്ബാസ് ചൗക്കി, ഖാദര്‍ മൊഗര്‍, റസാഖ് കമ്പാര്‍ (വൈ. പ്രസി.), ലത്തീഫ് കുന്നില്‍ (ജന. സെക്ര.), അബ്ദുല്‍ ഖാദര്‍ കല്ലങ്കൈ, വലിയാന്‍ കായിക്കട്ടെ, അഷ്‌റഫ് കോട്ടക്കുന്ന് (ജോ.സെക്ര.), ഫസല്‍ കോട്ടക്കുന്ന് (ട്രഷ.).
