അബുദാബി: ഫെബ്രുവരി 6, 7, 8 തിയ്യതികളില്‍ അബുദാബി ഇന്ത്യന്‍ ഇസ്ലാമിക് സെന്റര്‍ സംഘടിപ്പിക്കുന്ന ഇന്ത്യാ ഫെസ്റ്റിന്റെ ലോഗോ സെന്റര്‍ ചീഫ് പാട്രണും വ്യവസായ പ്രമുഖനുമായ പത്മശ്രീ എം.എ യൂസഫലി പ്രകാശനം ചെയ്തു.
വൈ ടവറില്‍ നടന്ന പ്രകാശന ചടങ്ങില്‍ സെന്റര്‍ പ്രസിഡണ്ട് പി. ബാവഹാജി, ജനറല്‍ സെക്രട്ടറി എം.പി.എം റഷീദ്, വൈസ് പ്രസിഡണ്ട് ടി.കെ അബ്ദുല്‍ സലാം, ഇന്ത്യാ ഫെസ്റ്റ് പ്രൊജക്ട് എക്‌സിക്യൂഷന്‍ ടീം ചെയര്‍മാന്‍ എം.എം നാസര്‍ കാഞ്ഞങ്ങാട്, ജനറല്‍ കണ്‍വീനര്‍ അബ്ദുല്‍ ഖാദര്‍ ഒളവട്ടൂര്‍, മീഡിയ കണ്‍വീനര്‍ സാബിര്‍ മാട്ടൂല്‍, സലീം നാട്ടിക എന്നിവര്‍ പങ്കെടുത്തു.
ഇന്തോ-അറബ് സംസ്‌കാരത്തിന്റെ പതിറ്റാണ്ടുകള്‍ നീണ്ട ചരിത്രപരമായ പശ്ചാത്തലവും ഇരു രാജ്യങ്ങളും പരസ്പരം നേടിയെടുത്ത പ്രധാനപ്പെട്ട നാഴികകല്ലുകളുമുള്‍പ്പെടെ ഫെസ്റ്റില്‍ അരങ്ങേറും.
ആയിരങ്ങള്‍ ഫെസ്റ്റില്‍ പങ്കെടുക്കുമെന്നും ഒരുക്കങ്ങളെല്ലാം പൂര്‍ത്തിയായി വരികയാണെന്നും സെന്റര്‍ ഭാരവാഹികള്‍ അറിയിച്ചു.
