കാസര്‍കോട്: ജനുവരി 22 മുതല്‍ ഹിമാചല്‍ പ്രദേശില്‍ നടക്കുന്ന അന്തര്‍സംസ്ഥാന മത്സരങ്ങളിലേക്കുള്ള കേരള അണ്ടര്‍-23 വനിതാ ക്രിക്കറ്റ് ടീമില്‍ കാസര്‍കോട്് ജില്ലാ ടീം ക്യാപ്റ്റന്‍ ദിവ്യ ഗണേഷ് ഇടം നേടി. കാഞ്ഞങ്ങാട് സ്വദേശിയും മുന്‍ കെ.സി.എ വയനാട് ക്രിക്കറ്റ് അക്കാദമി താരവും മികച്ച ഓള്‍റൗണ്ടറുമായ ദിവ്യ ഗണേഷ് അണ്ടര്‍-19, അണ്ടര്‍-23 എന്നീ കാറ്റഗറിയിലായി കേരള ടീമിന്ന് വേണ്ടി കളിച്ചിട്ടുണ്ട്. ദിവ്യ ഗണേശിനെ കാസര്‍കോട് ജില്ലാ ക്രിക്കറ്റ് അസോസിയേഷന്‍ അഭിനന്ദിച്ചു.
