ദുബായ്: യു.എ.ഇയിലെ കാസര്‍കോട് ജില്ലാ പ്രവാസി കൂട്ടായ്മയായ കെസെഫ് മെമ്പര്‍മാരുടെ മക്കള്‍ക്കായുള്ള സ്‌കൊളാസ്റ്റിക് അവാര്‍ഡിനുള്ള അപേക്ഷകള്‍ ക്ഷണിച്ചു. 2019- 2020 അധ്യായന വര്‍ഷത്തില്‍ എസ്.എസ്.എല്‍.സി, പ്ലസ് ടു (സി.ബി.എസ്.ഇ, കേരള) പരീക്ഷകളില്‍ 80 ശതമാനത്തിന് മുകളില്‍ മാര്‍ക്ക് നേടിയ കുട്ടികള്‍ക്കാണ് സ്‌കോളര്‍ഷിപ്പ്. അപേക്ഷ മാര്‍ക്ക് ലിസ്റ്റ്, പാസ്‌പോര്‍ട്ട് സൈസ് ഫോട്ടോ, പിതാവിന്റെ കെസെഫ് അംഗത്വ നമ്പര്‍ എന്നിവ Kesefuae09@ gmail.com എന്ന ഇ മെയില്‍ വിലാസത്തില്‍ അയക്കണമെന്ന് ചെയര്‍മാന്‍ മഹമൂദ് ബങ്കര, സെക്രട്ടറി ജനറല്‍ മാധവന്‍ അണിഞ്ഞ, ട്രഷറര്‍ അമീര്‍ കല്ലട്ര, മീഡിയ കണ്‍വീനര്‍ ഹുസൈന്‍ പടിഞ്ഞാര്‍ എന്നിവര്‍ പത്രക്കുറിപ്പില്‍ അറിയിച്ചു. അപേക്ഷ ലഭിക്കേണ്ട അവസാന തിയ്യതി നവംബര്‍ 15 ആണ്.
